முல்லைத்தீவு புதுக்குடியிருப்பு பிரதேச எல்லைக்குட்பட்ட நந்திக்கடல் பகுதியில் நீரில் மூழ்கி ஒருவர் உயிரிழந்துள்ளார். இன்று (01) காலை இடம்பெற்ற சம்பவம் தொடர்பில் மேலும் தெரியவருவதாவது, மந்துவில் பகுதியினை சேர்ந்த 33 வயதுடைய தர்மராசா நிசாந்தன் என்ற இளைஞன் இன்று அதிகாலை 5.30 மணிக்கு வீட்டில் இருந்து புறப்பட்டு சென்ற நிலையில் நந்திக்கடல் பகுதியில் மீட்கப்பட்டுள்ளார். கோயிலுக்கு முன்னால் உள்ள நந்திக்கடலில் நீரில் மூழ்கிய நிலையில் மீட்கப்பட்டு புதுக்குடியிருப்பு மருத்துவமனைக்கு கொண்டு செல்லப்பட்ட நிலையில் உயிரிழந்துள்ளார். இவரின் உயிரிழப்பு […]

திருகோணமலை- சேருநுவர பொலிஸ் பிரிவுக்குட்பட்ட தங்கநகர் கிராமத்தில் உழவு இயந்திரம் விபத்துக்குள்ளானதில் மூன்று பிள்ளைகளின் தந்தை உயிரிழந்துள்ளார். குறித்த சம்பவம் இன்று (01) காலை 11.30 மணியில் இடம்பெற்றுள்ளது. குறித்த விபத்துச் சம்பவத்தில் மூதூர் – பாரதிபுரம் கிராமத்தைச் சேர்ந்த சுந்தரலிங்கம் சுந்தரவதனன் (39) என்பவரே உயிரிழந்துள்ளதாக தெரிய வருகின்றது. சம்பவம் தொடர்பாக தெரிய வருவதாவது, உழவு வேலைக்காக பாரதிபுரம் பகுதியில் இருந்து கிளிவெட்டி – தங்கநகர் நோக்கிச் சென்றபோது தங்கநகர் பகுதியில் வைத்து உழவு இயந்திரம் […]

நீதிபதிக்கே நீதி கிடைக்கவில்லையென்றால் இந்த புதைகுழிக்கான நீதி கிடைக்குமா என முன்னாள் வடமாகாண சபை உறுப்பினர் துரைராசா ரவிகரன் கேள்வி எழுப்பியுள்ளார். போராட்டம் மேற்கொள்ளும் போராட்ட இடத்திற்கு முன்பாக இன்று (01.10.2023) இடம்பெற்ற போராட்டத்தின் பின்னர் ஊடகங்களுக்கு கருத்து தெரிவிக்கையிலே இவ்வாறு தெரிவித்தார், தொடர்ந்து கருத்து தெரிவிக்கையில், ”பெற்றோர்கள் இறுதியாக ஒப்படைத்த சிறுவர்கள் இன்றுவரை காணாமலாக்கப்பட்ட நிலையில் அவர்களை தேடி நாளாந்தம் வீதிகளிலே இருந்து தங்களுடைய உறவுகளுக்காக 2000 நாட்களை கடந்த நிலையில் போராடி கொண்டிருக்கிறார்கள். வலிந்து […]

அரசாங்கத்திற்கு வரி செலுத்துவது பொதுமக்களின் கடமை என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார். ருவன்வெல்ல பிரதேசத்தில் ஊடகங்களுக்கு கருத்து தெரிவிக்கும் போதே அவர் இதனை கூறியுள்ளார் அந்தக் கடமையை மக்கள் எப்போதும் நிறைவேற்ற வேண்டும் என்று கேட்டுக்கொள்வதாகவும் அவர் வலியுறுத்தியுள்ளார்.  

நீதியும் ஒழுக்கமும் நிறைந்த தேசத்தை உருவாக்க மஞ்சள் அங்கி, வெள்ளை அங்கி உட்பட அனைத்து மத நாகர்களும் ஒன்றிணைய வேண்டும் என கொழும்பு பேராயர் மல்கம் ரஞ்சித் கர்தினால் ஆண்டகை தெரிவித்துள்ளார். பல்வேறு மதங்களைப் பின்பற்றுவதாக அவர்கள் கூறினாலும் அது பொய் என்றும் இந்நாட்டில் சமூகம் பாவமாகிவிட்டதாகவும் பேராயர் சுட்டிக்காட்டியுள்ளார். டொலர்களைப் பெற்றால் எந்த ஊழல் செயலையும் செய்ய நாட்டின் தலைவர்கள் தூண்டப்படுகிறார்கள் என்று கூறிய பேராயர், இவ்வாறான நிலையில் நாட்டை சரியான பாதையில் கொண்டு செல்ல […]

மாலைத்தீவின் புதிய அதிபராக தெரிவு செய்யப்பட்ட  மொஹமட் முய்சுவிற்கு ஜனாதிபதி ரணில் விக்கிரமசிங்க வாழ்த்து தெரிவித்துள்ளார். மொஹமட் முய்சுவிற்கு தொலைபேசி அழைப்பை மேற்கொண்டு ஜனாதிபதி தனது வாழ்த்துக்களை தெரிவித்ததாக ஜனாதிபதி ஊடகப் பிரிவு தெரிவித்துள்ளது. புதிய ஜனாதிபதியின் ஆட்சிக் காலத்தில் இரு நாடுகளுக்குமிடையிலான நெருக்கமான மற்றும் நட்புறவுமிக்க இருதரப்பு உறவுகளை மேலும் பலமான மற்றும் பலதரப்பட்ட பங்காளித்துவமாக அபிவிருத்தி செய்வதற்கு ஜனாதிபதி ரணில் விக்கிரமசிங்க விருப்பம் தெரிவித்துள்ளார். கல்வி, சுகாதாரம் மற்றும் இருதரப்பு வர்த்தகம் மற்றும் முதலீடு […]

திருகோணமலை – தம்பலகாமம் பிரதேச வைத்தியசாலையில் இன்று (01) தீ விபத்து ஏற்பட்டுள்ளது. குறித்த விபத்தில் வெளி நோயாளர் பிரிவு மற்றும் மருந்தகம் போன்ற பகுதிகள் தீப்பற்றி உள்ள நிலையில், சம்பவ இடத்திற்கு மாகாண சுகாதார அமைச்சின் செயலாளர்,மாகாண பணிப்பாளர் ஆகியோரை உடனடியாக சென்று களநிலவரங்களை ஆய்வு செய்து அறிக்கை சமர்ப்பிக்குமாறு கிழக்கு மாகாண ஆளுநர் செந்தில் தொண்டமான் பணிப்புரை விடுத்துள்ளார். மேலும் தீ விபத்து தொடர்பான காரணங்களை கண்டறிய மேலதிக விசாரணைகளை மேற்கொள்ளுமாறு பொலிஸாருக்கு ஆளுநரால் […]