சோமாலியா அருகே அரபிக்கடலில் கடற்கொள்ளையர்களால் சிறைபிடிக்கப்பட்ட லைபீரியாவைச் சேர்ந்த MV Leila Norfolk வணிகக் கப்பலின் பணியாளர்களை மீட்பதில் இந்திய கடற்படை வெற்றி பெற்றுள்ளது. லைபீரிய கொடியுடன் கூடிய கப்பல் ஆயுதம் ஏந்திய குழுவினால் கடத்தப்பட்டதாக பிரிட்டிஷ் கடல்சார் ஏஜென்சிக்கு தகவல் கிடைத்தது. அதன்படி, இந்திய கடற்படை வீரர்களை மீட்கும் நடவடிக்கையில் இறங்கியது. இதில் 21 பணியாளர்கள் உள்ளனர் அவர்களில் 15 பேர் இந்தியர்கள். குறித்த கப்பலும் இந்திய கடற்படையினரால் கைப்பற்றப்பட்டுள்ளது.

இஸ்ரேலுக்கு உளவு பார்த்ததாக சந்தேகத்தின் பேரில் கைது செய்யப்பட்ட 34 பேரில் 15 பேரை விசாரணைக்காக சிறையில் அடைக்க இஸ்தான்புல்லில் உள்ள நீதிமன்றம் உத்தரவிட்டுள்ளது என்று துருக்கியின் நீதி அமைச்சர் தெரிவித்துள்ளார் துருக்கியில் வசிக்கும் வெளிநாட்டினரை “உளவு பார்த்தல்” மற்றும் “பின்தொடர்வது, தாக்குவது மற்றும் கடத்துவது” உள்ளிட்ட நடவடிக்கைகளை மேற்கொள்ள திட்டமிட்டதாகக் கூறப்படும் சந்தேக நபர்கள் செவ்வாய்கிழமை கைது செய்யப்பட்டனர். நீதி அமைச்சர் யில்மாஸ் துங்க் ஒரு சமூக ஊடக பதிவில், இஸ்ரேலிய உளவுத்துறை சார்பாக “அரசியல் […]

செங்கடலில் கப்பல் போக்குவரத்து மீது ஹூதி கிளர்ச்சியாளர்களின் தாக்குதல்கள் இங்கிலாந்து பொருளாதாரத்தை பாதிக்கலாம் என்று அதிபர் ஜெர்மி ஹன்ட் தெரிவித்துள்ளார். செங்கடலில் என்ன நடக்கிறது என்பதை நாம் வெளிப்படையாக கண்காணிக்க வேண்டும்,.இது ஒரு தாக்கத்தை ஏற்படுத்தக்கூடும், நாங்கள் அதை மிகவும் கவனமாகப் பார்ப்போம்.என்று இங்கிலாந்து அதிபர் தெரிவித்துள்ளார். “ஹவுதிகளுக்கு மிகவும் தெளிவாக… பின்விளைவுகள் இருக்கும், நாங்கள் அமைதியாக உட்கார்ந்து தாக்குதல்களை ஏற்க மாட்டோம், ஏனெனில் செங்கடல் உலக வர்த்தகத்திற்கு மிகவும் முக்கியமானது” என்று ஹன்ட் மேலும் கூறியுள்ளார்.

லெபனானில் இருந்து வடக்கு இஸ்ரேலில் சுமார் 40 ராக்கெட்டுகள் ஏவப்பட்டதாக இஸ்ரேலிய இராணுவம் தெரிவித்துள்ளது. வடக்கு மெரோன் பகுதிக்குள் ராக்கெட் தாக்குதல்கள் மேற்கொள்ளப்பட்டதாக இஸ்ரேல் பாதுகாப்புப் படை தெரிவித்துள்ளது. வடக்கு இஸ்ரேலின் மற்ற பகுதிகளில் ராக்கெட்டுகள் அல்லது ட்ரோன்கள் ஏவப்படவில்லை என அறிவிக்கப்பட்டுள்ளது. ஏவுதலில் பங்கேற்ற லெபனான் பிரதேசத்தில் “பயங்கரவாதப் படையை” தாக்கியதாக இஸ்ரேல் பாதுகாப்புப் படை தெரிவித்துள்ளது.