இலங்கையில் முட்டை விலை கடுமையாக வீழ்ச்சியடைந்துள்ளதாக சந்தை வட்டாரங்கள் தெரிவிக்கின்றன. தற்போது முட்டைக்கான கேள்வி குறைவடைந்துள்ளமையின் காரணமாக இவ்வாறு விலை குறைவடைந்துள்ளது. அதன்படி 23 ரூபாய் முதல் 29 ரூபாய் வரை முட்டை விற்பனை செய்யப்படுவதாகத் தெரிவிக்கின்றனர். புத்தாண்டு காலத்தில் 47 ரூபாய் முதல் 50 ரூபாய் வரையில் முட்டை விற்பனை செய்யப்பட்டது.

இலங்கையின் தலைமன்னார் உருமலையில் இருந்து தமிழகத்தின் ராமேஸ்வரத்திற்கு தங்கம் கடத்தப்படுவதாக இலங்கை கடற்படைக்கு ரகசிய தகவல் கிடைத்தது. இதையடுத்து, இந்தியா, இலங்கை இடையேயான சர்வதேச கடற்பகுதியில் இலங்கை கடற்படையினர் தீவிர ரோந்து பணியில் ஈடுபட்டனர். அப்போது, படகில் அலுமினிய முலாம் பூசி 8 கிலோ தங்கம் கடத்தி வரப்பட்டதை அதிகாரிகள் கண்டுபிடித்தனர். இதையடுத்து, படகில் தங்கத்தை கடத்தி வந்த 2 பேரை கைது செய்த கடற்படையினர் பறிமுதல் தங்கத்தை காங்கேசன்துறை சுங்கத்துறை அதிகாரிகளிடம் ஒப்படைத்தனர்.

சிறி தலதா வந்தனாவ வழிபாட்டிற்காக கொழும்பு கோட்டையிலிருந்து கண்டிக்கு செல்லும் சிறப்பு ரயில்கள் இன்று (ஏப்ரல் 24) முதல் மறு அறிவிப்பு வரும் வரை இயக்கப்படாது என்று இலங்கை ரயில்வே அறிவித்துள்ளது. காவல்துறையினரின் வேண்டுகோளின் பேரில் சிறப்பு சேவை இடைநிறுத்தப்பட்டுள்ளதாக ரயில்வே பொது மேலாளர் தெரிவித்தார். இன்று முன்னதாக, கண்டியில் உள்ள சிறி தலதா வந்தனாவ வழிபட இன்று மற்றும் அதற்கு அடுத்த நாள் (ஏப்ரல் 24 மற்றும் 25) வருவதைத் தவிர்க்குமாறும், மாற்று தேதியைத் தேர்வு […]