உக்ரைனுக்கு விரைந்த ஆண்டனி பிளிங்கன் – ஸெலன்ஸ்கியுடன் ஆலோசனை

உக்ரேன் அதிபருடன் அமெரிக்க வெளியுறவு அமைச்சர் ஆண்டனி பிளிங்கன் ஆலோணனை நடத்தவுள்ளார். பொலந்திற்கு பயணம் மேற்கொண்டிருந்த அவர் அங்கு இருந்து ரயிலில் அண்டை நாடான உக்ரைனுக்கு இன்று காலை சென்றடைந்ததாக (14) தகவல் வெளியாகியுள்ளது.

எவ்வித முன்னறிவிப்பு இன்றி உக்ரைனுக்க திடீர் பயணம் மேற்கொண்டிருப்பது, உக்ரைன் அரசுக்கு சற்று அதிர்ச்சியளித்துள்ளது.

ரஷ்யாவுக்கு எதிராகப் போரிட்டு வரும் உக்ரேனியர்களுக்கு அமெரிக்காவின் வலுவான ஆதரவு இருக்கிறது என்பதை உறுதிபடுத்தும் வகையில் அவரது பயணம் அமைந்திருப்பதாக அமெரிக்க அதிகாரிகள் கூறுகின்றனர்.

உக்ரேனுக்கு 61 பில்லியன் அமெரிக்க டொலர் (S$82.6 பில்லியன்) பெறுமானமுள்ள ராணுவ உதவி வழங்க அமெரிக்க நாடாளுமன்றம் ஒப்புதல் அளித்த பிறகு, அந்நாட்டைச் சேர்ந்த மூத்த அதிகாரி ஒருவர் உக்ரேனுக்குப் பயணம் மேற்கொண்டிருப்பது இதுவே முதல்முறை.

உக்ரேனின் வடகிழக்குப் பகுதியில் ரஷ்யா குண்டுமழை பொழிந்து வரும் நிலையில், அமெரிக்கா வழங்கும் ஆயுதங்கள் உக்ரேனின் தற்காப்பை எவ்வாறு வலுப்படுத்தும் என்பது குறித்து பேச திரு பிளிங்கன் கியவ் சென்றிருப்பதாகக் கூறப்படுகிறது.

ரஷ்யப் படைகளுக்குப் பதிலடி கொடுத்து அவற்றை முறியடிப்பது குறித்து கலந்துரையாடப்படும் என்று எதிர்பார்க்கப்படுகிறது.

அமெரிக்கா அனுப்பிவைக்கும் தொலைதூர இலக்குகளை எட்டும் ஏவுகணைகளும் வான் தற்காப்புச் சாதனங்களும் உக்ரேனைக் கூடிய விரைவில் சென்றடையும் என்று அமெரிக்க அதிகாரிகள் கூறினர்.

உக்ரேனுக்கு அமெரிக்காவின் ஆதரவு என்றென்றும் இருக்கும் என்று உக்ரேனிய அதிபர் வொலோடிமிர் ஸெலென்ஸ்கி உட்பட மற்ற அதிகாரிகளுக்கு பிளிங்கன் உறுதி அளிக்க இருப்பதாகத் தெரிவிக்கப்பட்டுள்ளது.

தொடர்புடைய செய்திகள்:

ரஷ்யா- பிரான்ஸ் இடையே அதிகரிக்கும் முறுகல் நிலை TikTok செயலியை தடை செய்ய தயாராகும் ஐரோப்பிய ஒன்றியம் லண்டனில் தமிழர்கள் அதிகம் வாழும் பகுதியில் அதிரடியாக அமுலாகும் தடை பிரித்தானியாவில் சட்டவிரோதமாக தங்கியிருக்கும் புலம்பெயர் குடும்பங்கள்! ரஷ்யாவில் உள்ள பாலங்களை அழித்த உக்ரைன்! 31 நாடுகளுக்கு பயணிக்க வேண்டாம் : பொதுமக்களுக்கு பயண எச்சரிக்கை விடுத்துள்ள பிரித்தானியா!