ஒவ்வாமையால் ஆபத்தான நிலையில், சிகிச்சைப்பெற்றுவரும் மற்றுமொரு பெண்!

ஊசியால் ஏற்பட்ட ஒவ்வாமை காரணமாக மற்றுமொரு பெண் ஆபத்தான நிலையில், வைத்தியசாலையில் சிகிச்சைப் பெற்று வருவதாக அறிய முடிகிறது.

கடந்த சில நாட்களுக்கு முன்பு வயிற்றுவலி காரணமாக பேராதனை வைத்தியசாலையில், அனுமதிக்கப்பட்ட யுவதி ஒருவருக்கு Ceftriaxone என்ற ஊசி செலுத்தப்பட்டது. இதனால் ஏற்பட்ட ஒவ்வாமை காரணமாக அந்த பெண் உயிரிழந்துள்ளதாக விளக்கமளிக்கப்பட்டது.

இந்நிலையில் குறித்த எதிர்ப்பு ஊசி அனுலாவதி என்ற மற்றொரு பெண்ணுக்கும் செலுத்தப்பட்டுள்ளது. குறித்த பெண் தற்போது கொடிய ஒவ்வாமையால் பாதிக்கப்பட்டுள்ளதாகவும், அவருக்கு கண்டி வைத்தியசாலையில் தீவிர சிகிச்சையளிக்கப்பட்டு வருவதாகவும் அகில இலங்கை தாதியர் சங்கத்தின் தலைவர் ரவீந்திரன் தெரிவித்தார்.

முன்னதாக 21 வயதான யுவதியின் மரணம் குறித்து விளக்கமளித்த மருத்துவர்கள் இதுபோன்ற ஒவ்வாமை சம்பவங்கள் மிகவும் அறிதாகவே இடம்பெறும் எனத் தெரிவித்திருந்தமை குறிப்பிடத்தக்கது.

தொடர்புடைய செய்திகள்:

எழுதும் மேசை தொடர்பில் வாக்குவாதம் – மாணவர் மீது தாக்குதல் நடத்திய இருவர்! கம்பளை – போதை மருந்து விற்பனையில் ஈடுபட்ட வைத்தியர் கைது மே 13 முதல் இந்தியா – இலங்கை இடையிலான பயணிகள் கப்பல் சேவைகள் மீள ஆரம்பம் இலங்கையில் தீர்வின்றி தொடரும் போராட்டம் : ரயில் பயணிகள் அவதி! இலங்கை: வெடிபொருட்களுடன் நால்வர் கைது! ஏழு நாடுகளின் தூதுவர்களை சந்திக்கிக்கும் இலங்கை ஜனாதிபதி : முக்கிய கலந்துரையாடல்கள் முன்னெடுப்பு!