தனியார் பேருந்தும் மோட்டார் சைக்கிளும் மோதி விபத்து : இரு யுவதிகள் வைத்தியசாலையில் அனுமதி!

புதுக்குடியிருப்பு பகுதியில் பேருந்தும் ,மோட்டார் சைக்கிளும் நேருக்கு நேர் மோதியதில் இரு யுவதிகள் காயமடைந்த விபத்து சம்பவம் ஒன்று இன்றைய தினம் இடம்பெற்றுள்ளது.

இன்று (05.04) காலை இடம்பெற்ற விபத்து சம்பவம் குறித்து மேலும் தெரியவருவதாவது, விசுவமடுவில் இருந்து திருகோணமலை நோக்கிச் சென்ற தனியார் பேருந்து ஒன்றும் முல்லைத்தீவில் இருந்து ஒட்டுசுட்டான் நோக்கி சென்ற இரு யுவதிகள் பயணித்த மோட்டார் சைக்கிள் ஒன்றும் புதுக்குடியிருப்பு குழந்தையேசு ஆலயத்திற்கு முன்பாகவுள்ள முல்லைத்தீவு பிரதான வீதியில் நேருக்கு நேர் மோதுண்டு விபத்திற்குள்ளாகியுள்ளது.

குறித்த விபத்தின் போது மோட்டார் சைக்கிளில் பயணித்த இரு யுவதிகளும் படுகாயமடைந்த நிலையில் புதுக்குடியிருப்பு வைத்தியசாலையில் அனுமதிக்கப்பட்டு பின்னர் மேலதிக சிகிச்சைக்காக முல்லைத்தீவு மாவட்ட வைத்தியசாலைக்கு அனுப்பி வைக்கப்பட்டுள்ளனர்.

குறித்த விபத்து சம்பவத்தில் 23,24 வயதுடைய ஒட்டுசுட்டானை சேர்ந்த யுவதிகளே காயமடைந்துள்ளனர்.

விபத்து சம்பவம் தொடர்பான முதற்கட்ட விசாரணையில் யுவதிகளின் விபத்திற்கு தொலைபேசி பாவனையே காரணம் என தெரிய வந்துள்ளது. எனினும் இது தொடர்பான மேலதிக விசாரணைகளை புதுக்குடியிருப்பு பொலிஸார் மேற்கொண்டு வருகின்றனர்.

See also  இலங்கை பொதுமக்களுக்கு வழங்கப்பட்ட துப்பாக்கிகள் தொடர்பில் பாதுகாப்பு அமைச்சின் முக்கிய அறிவிப்பு!

தொடர்புடைய செய்திகள்:

இலங்கையில் சமாதான நீதவான் பதவிக்கான கல்வி தகைமை குறைப்பு! வரும் ஒக்டோபர் மாதம் இலங்கையின் ஜனாதிபதி தேர்தல் நடைபெறும்! இலங்கை – பொசன் போயா தினத்தை முன்னிட்டு ஹோமாகம நகரில் வழங்கப்பட்ட வித்தியாசமான தன்சல் இலங்கையில் சேதமடைந்த வீடுகளுக்கு இழப்பீடு – ஜனாதிபதி விடுத்த உத்தரவு தீவகத்தின் கல்வித்தர வீழ்ச்சியை மேம்படுத்த அமைச்சர் டக்ளஸ் நடவடிக்கை இலங்கை : கண்டியில் ஐக்கிய மக்கள் சக்தி பேரணியில் ஏற்பட்ட பதற்றம்: 7 பேர் படுகாயம்