யாழில் உறவினர்கள் மூவருக்கு இடையே ஏற்பட்ட முரண்பாடு – இளம் குடும்பஸ்தருக்கு நேர்ந்த கதி

யாழ்ப்பாணத்தில் இடம்பெற்ற கத்திக்குத்தில் இளம் குடும்பஸ்தர் ஒருவர் உயிரிழந்துள்ளார்.

இளவாலை பொலிஸ் பிரிவிற்குட்பட்ட பிரான்பற்று முருகன் கோவிலுக்கு அருகாமையில் இந்த சம்பவம் இடம்பெற்றுள்ளது.

நள்ளிரவு 12.30 மணியளவில் உறவினர்கள் மூவருக்கு இடையே ஏற்பட்ட முரண்பாடு காரணமாக இருவர் இணைந்து ஒருவர் மீது தாக்குதல் மேற்கொண்டிருந்தனர். இதன்போது அவர்மீது கத்திக் குத்தும் நடாத்தப்பட்டுள்ளது.

இதனையடுத்து, படுகாயமடைந்த நபர் தெல்லிப்பழை வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில் சிகிச்சை பலனின்றி இன்றைய தினம் காலை உயிரிழந்தார்.

பண்டத்தரிப்பு – பிரான்பற்று பகுதியைச் சேர்ந்த ராமச்சந்திரன் ராஜ்குமார் (வயது 35) என்ற நான்கு பிள்ளைகளின் தந்தையே இவ்வாறு உயிரிழந்துள்ளார்.

இச்சம்பவம் குறித்து இருவரை இளவாலை பொலிஸார் கைது செய்துள்ளனர். சடலம் பிரேத பரிசோதனைக்காக யாழ். போதனா வைத்தியசாலைக்கு அனுப்பி வைக்கப்படவுள்ளது.

தொடர்புடைய செய்திகள்:

நாளை நாட்டின் பல பகுதிகளில் வெப்பநிலை அதிகரிப்பு இலங்கையில் சிறுமிக்கு தந்தை செய்த மோசமான செயல் – கைது செய்த பொலிஸார் இலங்கை ஜனாதிபதி தேர்தல் 2024: கென்ய ஜனாதிபதி வாழ்த்து இலங்கையில் பன்றிகள் மத்தியில் பரவும் வைரஸ் : மனிதர்களுக்கும் பாதிப்பா? ஜெர்மனியில் சிறுவர்களால் ஏற்பட்டுள்ள ஆபத்து – முக்கிய நடவடிக்கை எடுக்க தீர்மானம்