அதிரடியாக பணி நீக்கம் செய்யப்பட்ட 18 பெண் சிறை காவலர்கள் : வெளிவந்த பகீர் பின்னணி!

பிரிட்டனில் சிறை கைதிகளுடன் தகாத உறவில் இருந்ததாக கண்டறியப்பட்ட நிலையில், 18 பெண் சிறை காவலர்கள் அதிரடியாக பணி நீக்கம் செய்யப்பட்டுள்ளனர்.

வேல்ஸ் பகுதியில் அமைந்துள்ள HMP Berwyn சிறையிலேயே கடந்த ஆறு ஆண்டுகளாக கைதிகளுக்கும் பெண் காவலர்களுக்கும் தகாத உறவு இருந்து வந்துள்ளது. இதில் மூன்று பெண்கள் நீதிமன்ற விசாரணைக்கு உட்படுத்தப்பட்டு, சிறைக்கு அனுப்பப்பட்டுள்ளனர்.

எஞ்சியவர்கள் நிலை தகவல் அறியும் உரிமை சட்டத்தினூடாக வெளிச்சத்துக்கு வந்துள்ளது. 27 வயதான Jennifer Gavan என்ற காவலர், சிறையில் இருக்கும் தமது காதலருக்காக அலைபேசி ஒன்றை கடத்திச் சென்றுள்ளார்.

இருவரும் நெருக்கமாக இருந்த காட்சிகள் சிறைக்குள் கமெராவில் பதிவாகியுள்ளது. இவருக்கு 8 மாத சிறை தண்டனை விதிக்கப்பட்டுள்ளது. இன்னொரு பெண் காவலர், நீதிமன்றத்தால் ஆபத்தானவர் என குறிப்பிடப்பட்டுள்ள கைதியுடன் நெருக்கமாக இருந்துள்ளார்.அவருக்கு ஓராண்டு சிறை தண்டனை விதிக்கப்பட்டுள்ளது.

2019ல் கைதி ஒருவருடன் நெருக்கமாக இருந்ததாக புகார் அளிக்கப்பட்ட வழக்கில் Emily Watson என்ற காவலருக்கு ஓராண்டு சிறை தண்டனை விதிக்கப்பட்டுள்ளது.சட்டத்தை மீறுபவர்கள் எவராக இருந்தாலும், தண்டனை உறுதி என்பது இதில் இருந்து தெளிவாகிறது என இந்த விவகாரம் தொடர்பில் மூத்த சிறை அதிகாரி ஒருவர் தெரிவித்துள்ளார்.

தொடர்புடைய செய்திகள்:

பிரிட்டன் மன்னர் மற்றும் வேல்ஸ் இளவரசி வைத்தியசாலையில் அனுமதி சமூக ஊடக சவாலில் பங்கேற்ற இங்கிலாந்து சிறுவன் பலி ஜேர்மனியில் இரண்டு ரஷ்ய உளவாளிகள் கைது பாலஸ்தீன அரசை முறைப்படி அங்கீகரித்த ஐரோப்பிய ஒன்றிய நாடுகள் ஸ்லோவாக் பிரதமரை தாக்கிய நபர் மீது பயங்கரவாத குற்றச்சாட்டுகள் பதிவு டென்மார்க்கில் காசா போருக்கு எதிரான போராட்டத்தில் ஈடுபட்ட கிரேட்டா துன்பெர்க் கைது