கட்டுவாப்பிட்டி தேவாலய குண்டுதாரிகளின் மனைவியான சாரா ஜாஸ்மின் என்ற புலஸ்தினி மகேந்திரனின் மரணம் தொடர்பில் சர்வதேச ரீதியில் ஏற்றுக்கொள்ளக்கூடிய அறிக்கை சமர்ப்பிக்கப்பட வேண்டும் என அருட்தந்தை சிறில் காமினி தெரிவித்துள்ளார். அரசாங்கப் பகுப்பாய்வாளர் திணைக்களத்தின் மூன்றாவது அறிக்கை அவர்களின் முன்னைய அறிக்கைகளுக்கு முரணானது. இதனை எம்மால் ஏற்றுக்கொள்ள முடியாது எனவும் அவர் தெரிவித்துள்ளார். முன்னதாக, ஈஸ்டர் ஞாயிறு குண்டுத் தாக்குதல்கள் நடந்த சில நாட்களுக்குப் பிறகு, ஏப்ரல் 26, 2019 அன்று சாய்ந்தமருதில் உள்ள பாதுகாப்பான வீட்டில் […]

டவிரோதமாக தொல்லியல் துறைக்குள் நுழைந்த குற்றச்சாட்டின் பேரில் மூன்று இராணுவத்தினர் உட்பட நால்வர் பொலிஸ் விசேட அதிரடிப்படையினரால் கைது செய்யப்பட்டுள்ளனர். இதன்படி, கரடியனாறு, மாவடிஓடலில் உள்ள தொல்பொருள் தளம் ஒன்றில் சட்டவிரோதமாக நுழைந்து புதைக்கப்பட்ட புதையலைத் தேடும் போது, இலங்கை இராணுவத்தின் லெப்டினன்ட் கேணல், சார்ஜன்ட் மற்றும் கோப்ரல் ஒருவரும் பௌத்த பிக்கு ஒருவருடன் கைது செய்யப்பட்டனர்.  

தெஹிவளை மேம்பாலத்தில் கார் விபத்துக்குள்ளானதில் இரண்டு வாகனங்கள் திடீரென தீப்பிடித்து எரிந்தன. இந்த விபத்து இன்று (31) இரவு இடம்பெற்றுள்ளதாக பொலிஸார் தெரிவித்தனர். காரும் முச்சக்கரவண்டியும் நேருக்கு நேர் மோதியதில் இவ்விபத்து இடம்பெற்றுள்ளது.இதையடுத்து இரண்டு வாகனங்களும் தீப்பற்றி எரிந்தன. தெஹிவளை  தீயணைப்புப் பிரிவினர் வந்து தீயை அணைத்துள்ளனர்.

ஸ்ரீலங்கன் எயார்லைன்ஸின் மூத்த விமானிகளுள் ஒருவரான 40 வருட சேவையை நிறைவு செய்த உத்பல குமாரசிங்க, கட்டுநாயக்க விமான நிலையத்தில் தனது கடைசி விமானத்தை இன்று (31) பிற்பகல் எடுத்துச் சென்று தனது சேவையில் இருந்து விடைபெற நடவடிக்கை எடுத்தார். அவர் தனது கடைசி விமானத்திற்கு துணை விமானியாக தனது மகன் ரஹல் குமாரசிங்கவை அழைத்துச் சென்றது சிறப்பு. அவர்கள் இன்று இரவு 11.20 மணிக்கு இந்தியாவின் மதுரையிலிருந்து ஸ்ரீலங்கன் ஏர்லைன்ஸ் விமானமான UL-138 ஐ ஓட்டிச் […]

இளம் பெண் வழக்கறிஞர் ஒருவரின் சடலம் அவரது வீட்டில் கண்டெடுக்கப்பட்டுள்ளது. பெல்மடுல்ல புலத்வெல்கொடவில் உள்ள வீடொன்றில் இது இடம்பெற்றுள்ளது. 40 வயதுடைய சட்டத்தரணியான துஷ்மந்தி அபேரத்னவின் சடலம் இன்று (31) காலை அவரது வீட்டின் படுக்கையறையிலுள்ள படுக்கையில் மீட்கப்பட்டதாக பெல்மடுல்ல பொலிஸார் தெரிவித்தனர். நேற்றிரவு (30) முதல் சட்டத்தரணியின் கணவர் வீட்டில் இல்லை என தெரிவிக்கப்பட்டுள்ளதாகவும் பொலிஸார் தெரிவித்தனர். இந்த மரணத்தில் சந்தேகம் இருப்பதாக சட்டத்தரணியின் குடும்பத்தினர் பொலிஸாருக்கு அறிவித்துள்ளனர். உயிரிழந்த சட்டத்தரணி நேற்று இரவு தனது […]

வலிந்து காணாமல் ஆகப்பட்ட உறவுகள் இன்று போராட்டம் ஒன்றை முன்னெடுத்துள்ளனர். குறித்த போராட்டம் யாழ்ப்பாணம் நல்லை ஆதீனத்துக்கு முன்னால் இடம்பெற்றது. இதன்போது, வலிந்து காணாமலாக்கப்பட்டவர்களுக்கு மரணச் சான்றிதழ் வேண்டாம், இழப்பீடு வேண்டாம், காணாமலாக்கப்பட்டோர் அலுவலகம் வேண்டாம், சர்வதேசமே உரிய தீர்வு வழங்க வேண்டும் உள்ளிட்ட பல்வேறு கோஷங்கள் எழுப்பப்பட்டன.

பேருந்து பயண கட்டணம் இன்று(வெள்ளிக்கிழமை) முதல் அமுலாகும் வகையில் 12.09 சதவீதத்தால் குறைக்கப்பட்டுள்ளது. இதன்காரணமாக ஆகக்குறைந்த பேருந்து பயண கட்டணம் 4 ரூபாயால் குறைக்கப்படுகிறது. இதற்கமைய 34 ரூபாய் என்ற ஆகக்குறைந்த பேருந்து பயண கட்டணம் 30 ரூபாயாக குறைவடைந்துள்ளது.  

முன்னாள் ஜனாதிபதி கோட்டாபய ராஜபக்ஷவின் மிரிஹான வீட்டுக்கு முன்பாக மேலதிக படையினர் பாதுகாப்பில் ஈடுபடுத்தப்பட்டுள்ளதாக தெரிவிக்கபப்டுகின்றது. அரகலய ஆரம்பிக்கப்பட்டு இன்றுடன் ஒரு வருடம் நிறைவடைகின்றது. இந்த நிலையில் அரகலய போராட்ட காரர்களால் இன்றும் போராட்டம் நடத்தப்படக் கூடும் என்ற அச்சத்திலேயே மேலதிக பாதுகாப்பு போடப்பட்டுள்ளது.

எரிபொருள் விலை குறைப்பின் நலன்களை மின்சார பயன்பாட்டாளர்களுக்கு வழங்குமாறு பொதுப்பயன்பாடுகள் ஆணைக்குழு கோரிக்கை விடுத்துள்ளது. இந்த கோரிக்கை எழுத்து மூலம் இலங்கை மின்சார சபையிடம்  முன்வைக்கப்பட்டுள்ளது. உலக சந்தையில் நிலக்கரி விலை குறைவடைதல் எரிபொருள் விலை குறைவடைதல் மற்றும் டொலருக்கு எதிரான ரூபாவின் பெறுமதி வலுவடைந்தமை உள்ளிட்ட காரணிகளின் அடிப்படையில் மின்சாரக் கட்டணத்தை குறைக்க முடியும் என சுட்டிக்காட்டப்பட்டுள்ளது. எரிபொருள் விலை குறைக்கப்பட்டதனால் மின்சாரக் கட்டணத்தை 20 வீதத்தினால் குறைக்க முடியும் என தெரிவிக்கப்பட்டுள்ளது.