நெல்லியடி பகுதியில் ஹெரோயின் போதைப்பொருள் மற்றும் வாள்களுடன் நடமாடிய ஒருவர் சிறப்பு அதிரடிப் படையினரால் கைது செய்யப்பட்டார். இன்று மாலை அதே இடத்தைச் சேர்ந்த 33 வயதுடைய ஒருவரே இவ்வாறு கைது செய்யப்பட்டார். சந்தேக நபரிடமிருந்து 3 கிராம் 80 மில்லிக்கிராம் ஹெரோயின் போதைப்பொருள் மற்றும் 3 வாள்கள் என்பன கைப்பற்றப்பட்டன என்று பொலிஸார் தெரிவித்தனர். நாளை பருத்தித்துறை நீதிவான் நீதிமன்றில் சந்தேக நபர் முற்படுத்தப்படுவார் என்றும் பொலிஸார் கூறினர்.

சூடானில் பல மாதங்களாக நடைபெற்று வரும் சண்டை காரணமாக 5 மில்லியனுக்கும் அதிகமான மக்கள் இடம்பெயர்ந்துள்ளதாக ஐக்கிய நாடுகளின் இடம்பெயர்வு நிறுவனம் தெரிவித்துள்ளது. சூடான் இராணுவத்துக்கும் போட்டியான விரைவு ஆதரவுப் படைக்கும் இடையேயான மோதல்கள் தணிவதற்கான எந்த அறிகுறியும் தென்படாத சூழ்நிலையில் இது உள்ளது. சூடானில் சுமார் ஐந்து மாதங்களுக்கு முன்பு இராணுவத்திற்கும் விரைவு ஆதரவுப் படைக்கும் இடையிலான நீண்டகால பதட்டங்கள் வெளிப்படையான போராக அதிகரித்துள்ளது. ஜெனரல் அப்தெல் ஃபத்தாஹ் புர்ஹான் தலைமையிலான இராணுவத்திற்கும் முகமது ஹம்தான் […]

புதிய ஊழல் ஒழிப்பு சட்டம் இம்மாதம் 15ஆம் திகதி முதல் அமுல்படுத்தப்படும் என நீதி, சிறைச்சாலை விவகாரங்கள் மற்றும் அரசியலமைப்பு மறுசீரமைப்பு அமைச்சர் விஜயதாச ராஜபக்ஷ தெரிவித்துள்ளார். இது தொடர்பான வர்த்தமானி எதிர்வரும் காலங்களில் வெளியிடப்படும் என அவர் வலியுறுத்தியுள்ளார். புதிய ஊழல் ஒழிப்புச் சட்டம் தொடர்பில் மக்களுக்குத் தெரிவிக்கும் வகையில் இன்று (07) நீதியமைச்சில் நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையிலேயே நீதியமைச்சர் மேற்கண்டவாறு தெரிவித்தார். அங்கு பேசிய அமைச்சர், தற்போதுள்ள இலஞ்ச ஒழிப்பு […]