கொழும்பு மாவட்டத்தில் அமைந்துள்ள தனியார் வைத்தியசாலைகளில் கட்டுப்பாட்டு விலைக்கு அப்பால் மருந்துகள் விற்பனை செய்யப்படுவதாக தகவல்கள் தெரிவிக்கின்றன. மூன்று மடங்கு விலை உயர்த்தப்பட்டுள்ளதாக நோயாளிகள் குற்றம் சாட்டுகின்றனர். இந்த நாட்டில் கடும் பொருளாதார நெருக்கடி ஏற்பட்டுள்ள நிலையில், தனியார் வைத்தியசாலைகள் இவ்வாறு செயற்படுவது ஏற்புடையதல்ல என சமூக ஆர்வலர்கள் தெரிவித்துள்ளனர். அரசு மருத்துவமனைகளில் போதிய மருந்துகள் இல்லாததால், நடுத்தர மக்கள் தனியார் மருத்துவமனைகளுக்கு செல்வதாக கூறப்படுகிறது. மக்களின் உயிரைப் பற்றி சிந்திக்காமல் மருந்து விலையை உயர்த்திய மருத்துவமனைகள் […]

ஜனாதிபதி மாளிகை, அலரிமாளிகை, பிரதமர் அலுவலகம் மற்றும் ஜனாதிபதி செயலகம் ஆகியவற்றை ஸ்ரீ ஜயவர்தனபுர கோட்டேக்கு இடமாற்றம் செய்து, எதிர்வரும் வரவு செலவுத் திட்டத்தில் நிதி ஒதுக்கீடு செய்ய அரசாங்கம் இலக்கு வைத்துள்ளது. நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்கவின் கருத்துப்படி, இந்தக் கட்டிடங்களை கொழும்பு பாரம்பரிய சதுக்கமாக அபிவிருத்தி செய்வதற்கு இந்த நடவடிக்கை உதவும். நகர்ப்புற அபிவிருத்தி அதிகாரசபை (UDA) தற்போது இடமாற்றத்திற்கான திட்டத்தை வகுத்து வருகிறது, அதே நேரத்தில் UDA தலைவர் […]

துருக்கியை மையமாக கொண்டு இந்நாட்டில் இயங்கி வந்த “ஃபெட்டோ” என்ற பயங்கரவாத அமைப்பு துருக்கி மற்றும் இலங்கை கூட்டு நடவடிக்கையினால் அழிக்கப்பட்டதாக இலங்கைக்கான துருக்கிய தூதுவர் Demet Sekercioglu தெரிவித்துள்ளார். கொழும்பில் உள்ள துருக்கி தூதரகத்தில் நடைபெற்ற துருக்கிய ஜனநாயகம் மற்றும் தேசிய ஒருமைப்பாட்டு தினத்தை கொண்டாடும் வகையில் ஏற்பாடு செய்யப்பட்டிருந்த நிகழ்வில் அவர் கலந்துகொண்டார். எதிர்காலத்தில் இரு நாடுகளும் “ஃபெட்டோ” பயங்கரவாத அமைப்பு தொடர்பான உளவுத் தகவல்களைப் பரிமாறிக் கொள்ளும் என்று கூறிய தூதுவர், மேலும் […]

தெஹிவளை பகுதியில் இயங்கி வருவதாக கூறப்படும் புனர்வாழ்வு நிலையம் ஒன்றினை பொலிஸார் சோதனையிட்டுள்ளனர். அங்கு 34 பேர் கைது செய்யப்பட்டதாக அறிவித்தனர். இந்த மையத்தை நடத்தி வந்த நபரும் பொலிஸாரால் கைது செய்யப்பட்டுள்ளதாக தெரிவிக்கப்படுகின்றது. ஆபத்தான போதைப்பொருள் கட்டுப்பாட்டுச் சபையின் அனுமதியின்றி இங்கு போதைக்கு அடிமையானவர்கள் புனர்வாழ்வளிக்கப்பட்டுள்ளதாகத் தெரிவிக்கப்படுகிறது. இந்த 34 பேரும் பாதுகாப்பு கருதி பொலிஸ் காவலில் வைக்கப்பட்டுள்ளதாக பொலிஸார் மேலும் தெரிவித்தனர். தெஹிவளை பொலிஸார் மேலதிக விசாரணைகளை மேற்கொண்டு வருகின்றனர்.