தேர்தலில் வெற்றி பெற்ற டிரம்ப் – அவசரமாக வெளிநாடுகளில் வேலை தேடும் அமெரிக்கர்கள்!

அமெரிக்க ஜனாதிபதி தேர்தலில், குடியரசுக் கட்சி வேட்பாளர் டொனால்ட் டிரம்ப் வெற்றி பெற்றுள்ளார்.

இந்த நிலையில், ஏராளமான அமெரிக்கர்கள் வெளிநாடுகள் வேலை தேடத் தொடங்கியிருப்பதாக தகவல் வெளியாகியுள்ளது.

அமெரிக்க ஜனாதிபதி தேர்தல் முடிவுகள் அறிவிக்கப்பட்ட அடுத்த 24 மணி நேரத்தில், கூகுள் எனும் தேடுபொறியில், கனடாவுக்குச் செல்ல என்று தேடும் மக்களின் எண்ணிக்கை 1,270 சதவீதம் அதிகரித்துள்ளதாக கூகுள் தரவு தெரிவிக்கிறது.

இதுபோலவே, நியூசிலாந்துக்குச் செல்ல என்பதை கூகுளில் தேடுபவர்களின் எண்ணிக்கை 2,000 சதவீதம் அதிகரித்துள்ளது.

ஆஸ்திரேலியா செல்வது குறித்து தேடுபவர்களின் எண்ணிக்கை 820 சதவீதம் அதிகரித்திருப்பதகாவும் கூறப்படுகிறது.

இது மட்டுமல்ல, புதன்கிழமை மாலைக்குப் பிறகு, அமெரிக்காவின் கிழக்குக் கடற்கரைப் பகுதியிலிருந்து கூகுளில் தேடியவர்கள், இந்த மூன்று நாடுகளின் குடியேற்ற விதிகளை தேடுவது இதுவரை வரலாறு காணாத வகையில் அதிகரித்திருக்கிறது என்றும் கூகுள் அதிகாரிகள் தெரிவித்துள்ளனர்.

எவ்வளவு பேர் குடியேற்ற விதிகளை தேடியிருக்கிறார்கள் என்ற தகவலை வெளியிடாதபோதும், நியூஸிலாந்து நாட்டின் குடியேற்றம் தொடர்பான இணையதளத்தில், அமெரிக்காவிலிருந்து ஒரே நாளில் 25,000 பேர்7ஆம் திகதி இணையதளத்தைப் பார்வையிட்டுள்ளனர்.

இதே நாளில் கடநத் ஆண்டு இந்த எண்ணிக்கை 1,500 ஆக இருந்ததாகவும் கூறப்பட்டுள்ளது. இதுபோல, சில குடியேற்ற விவகாரங்களை கவனிக்கும் வழக்குரைஞர்களையும் பலர் தொடர்புகொண்டு சந்தேகங்களையும் கேட்டுள்ளதாகக் கூறப்படுகிறது.

தொடர்புடைய செய்திகள்:

சர்வதேச விண்வெளி நிலையத்திலிருந்து தீபாவளி வாழ்த்து தெரிவித்த சுனிதா வில்லியம்ஸ் கமலா ஹாரிஸை ஆதரிக்கும் நடிகர் அர்னால்ட் ஸ்வார்ஸ்னேக்கர் கமலா ஹாரிஸுக்கு ஆதரவாக வாஷிங்டனில் பேரணி நடத்திய ஆயிரக்கணக்கான பெண்கள் 7 வார வேலைநிறுத்தத்தை முடிவுக்கு கொண்டு வந்த போயிங் தொழிலாளர்கள் அமெரிக்காவின் புதிய ஜனாதிபதியாக டொனால்ட் ட்ரம்ப் தெரிவு டொனால்ட் டிரம்பிற்கு வாழ்த்து தெரிவித்த சவுதி மன்னர் மற்றும் பட்டத்து இளவரசர்