பிரித்தானிய கடவுச்சீட்டு ஐரோப்பாவில் மிக மோசமான ஒன்றாக தரப்படுத்தப்பட்டுள்ளது.
பணத்திற்கான மதிப்பு என்ற பிரிவிற்குள் வரும்போது பிரித்தானிய கடவுச்சீட்டு பின்தங்கிய நிலையில் உள்ளது.
PR agency Tankஇன் புதிய ஆய்விற்கமைய, பிரித்தானிய கடவுச்சீட்டு பணத்திற்கான மதிப்புக்கு ஐரோப்பாவில் மிக மோசமான ஒன்றாக தரவரிசைப்படுத்தப்பட்டுள்ளது.
உலகம் முழுவதும் உள்ள 131 நாடுகளின் கடவுச்சீட்டுகளின் விலை, கடவுச்சீட்டு எத்தனை ஆண்டுகள் செல்லுபடியாகும், மற்றும் விசா இன்றி எந்த நாடுகளுக்கு செல்ல முடியும் என்பதை கணக்கிட்டு, அதன் விலையை ஒப்பிட்டு இந்த ஆய்வு செய்யப்படுகின்றது.
பிரித்தானிய கடவுச்சீட்டு 82.50 பவுண்ட்களில் இருந்து 88.50 பவுண்டுகளாக உயர்ந்த பிறகு தரவரிசையில் நான்கு இடங்கள் சரிந்து 31வது இடத்திலிருந்து 35வது இடத்திற்கு தள்ளப்பட்டுள்ளது.
இதன் பொருள் பிரித்தானிய கடவுச்சீட்டின் விலை வருடத்திற்கு 8.85 பவுண்ட் அல்லது சராசரி மாத சம்பளத்தில் 2.68 சதவீதமாகும். ஆகும்.
ஸ்பெயின் (25.80பவுண்ட் ), ஜெர்மனி (60.21பவுண்ட்), பிரான்ஸ் (73.97பவுண்ட்) மற்றும் அயர்லாந்து (64.51பவுண்ட்) உட்பட பல ஐரோப்பிய நாடுகளின் கடவுச்சீட்டை விட பிரித்தானிய கடவுச்சீட்டு விலை அதிகம் என்று ஆய்வில் கண்டறியப்பட்டுள்ளது.
இந்த நாடுகள் விசா இல்லாத நாடுகளுக்கு ஒரே மாதிரியான அல்லது அதிக அணுகலை வழங்குகின்றன, மேலும் அவை பணத்திற்கான சிறந்த மதிப்பை உருவாக்குகின்றன.
