சுற்றுலா, காணி, விளையாட்டுத்துறை மற்றும் இளைஞர் விவகார அமைச்சர் ஹரின் பெர்னாண்டோ மற்றும் தொழில், வெளிநாட்டு வேலைவாய்ப்பு அமைச்சர் மனுஷ நாணயக்கார ஆகியோர் தங்களது அமைச்சுப் பதவிகளிலிருந்து விலகுவதாக அறிவித்துள்ளனர்.
அமைச்சர்களான மனுஷ நாணயக்கார மற்றும் ஹரின் பெர்னாண்டோ ஆகியோரின் கட்சி உறுப்புரிமையை இரத்து செய்வதற்கு ஐக்கிய மக்கள் சக்தி எடுத்த தீர்மானம் சட்டபூர்வமானது என உயர் நீதிமன்றம் இன்று தீர்ப்பளித்த பின்னணியில் குறித்த இருவரும் பதவி விலகுவதாக அறிவித்துள்ளனர்.
மனுஷ நாணயக்கார பதவியை இழந்ததைத் தொடர்ந்து ஏற்பட்ட வெற்றிடத்தை பந்துலால் பண்டாரிகொட. நிரப்பவுள்ளார் என தெரிவிக்கப்பட்டுள்ளது.
பாராளுமன்ற உறுப்பினர் ஹரீன் பெர்னாண்டோவுக்குப் பதிலாக தேசியப் பட்டியல் மூலம் பாராளுமன்றத்திற்கு வருபவர் யார் என்பதை கட்சியின் சிரேஷ்டர்கள் விரைவில் கூடி தீர்மானிக்கவுள்ளதாக பாராளுமன்ற உறுப்பினர் புத்திக பத்திரன தெரிவித்துள்ளார்.
