ஆஸ்திரிய தலைநகரில் நூற்றுக்கணக்கான வலதுசாரி தீவிரவாதிகளின் அணிவகுப்பை சீர்குலைக்க முயன்ற போராட்டக்காரர்களுடன் மோதலில் ஈடுபட்ட 50 க்கும் மேற்பட்டவர்களை கைது செய்ததாக போலீசார் தெரிவித்தனர்.
ஆஸ்திரியாவின் அரசியல் கட்சிகள் செப்டம்பர் நாடாளுமன்றத் தேர்தலுக்குத் தயாராகி வரும் நிலையில், தீவிர வலதுசாரிகள் கணிசமான வெற்றிகளைப் பெறுவார்கள் என்று எதிர்பார்க்கப்படுகிறது. இந்த நிலையில் ஆர்ப்பாட்டங்கள் வெடித்துள்ளன.
பாசிச எதிர்ப்பு குழுக்கள் மற்றும் இடதுசாரி அரசியல் கட்சிகள் மற்றும் அடையாளவாதிகள் மற்றும் பிற தீவிர வலதுசாரி ஆர்வலர்களின் அணிவகுப்புக்கு எதிராக போராட்டங்களுக்கு அழைப்பு விடுத்ததாக ஆஸ்திரிய பிரஸ் ஏஜென்சி தெரிவித்துள்ளது.
சமூக ஊடகப் பதிவுகள், வியன்னா நகரத்தில் அணிவகுத்துச் செல்பவர்கள், “குடியேற்றம்” என்ற பதாகையுடன், ஆர்ப்பாட்டத்தில் ஈடுபட்டதை காட்டுகிறது. இந்த பதாகையானது பெரும்பாலான புலம் பெயர்ந்தவர்கள் தங்கள் சொந்த நாட்டுக்கு திரும்பிச் செல்ல வேண்டும் என்பதை புலப்படுத்துகிறது.
இந்நிலையில் அணிவகுப்பைத் தடுக்கும் ஒரு உள்ளிருப்புப் போராட்டத்தை முடிவுக்குக் கொண்டுவர மறுத்ததற்காக நாற்பத்து மூன்று பேர் தற்காலிகமாக தடுத்து வைக்கப்பட்டுள்ளதாக செய்தி நிறுவனம் தெரிவித்துள்ளது
முகமூடி அணிந்த சில போராட்டக்காரர்கள் கற்கள் மற்றும் பாட்டில்களை வீசியதை அடுத்து மேலும் 10 பேர் கைது செய்யப்பட்டனர். மூன்று அதிகாரிகள் காயமடைந்தனர் மற்றும் ரோந்து காரின் கண்ணாடிகள் அடித்து நொறுக்கப்பட்டதாக போலீசார் தெரிவித்தனர்.
