புதிய விசா கொள்கையை அறிமுகப்படுத்திய பிரித்தானியா : வேறு நாடுகளை நாடும் மாணவர்கள்!

கொவிட் தொற்றுநோய்க்கு பிறகு இங்கிலாந்தில் கல்வி கற்க விண்ணப்பிக்கும் மாணவர்களின் எண்ணிக்கை வெகுவாக குறைந்துள்ளதாக தெரிவிக்கப்படுகிறது.

வெளியாகியுள்ள தரவுகளின்படி, கடந்த 2022 ஆம் ஆண்டுடன் ஒப்பிடும்போது விண்ணப்பதாரர்களின் எண்ணிக்கையானது 34,000 குறைந்துள்ளதாக கூறப்படுகிறது.  கடந்த 2022 ஆம் ஆண்டில் 46900 பேர் விண்ணப்பித்துள்ளனர்.

முதுநிலைக் கல்விக்காக விண்ணப்பிக்கும் மாணவர்களை சார்ந்து குடும்ப உறுப்பினர்களும் பிரித்தானியாவிற்கு வருவது ஜனவரி மாதம் முதல் தடை செய்யப்பட்டது.

இதனையடுத்து கடந்த 2022 ஆம் ஆண்டு இந்த விண்ணப்பதாரர்கள் 23800 பேர் விண்ணப்பித்திருந்த நிலையில், தற்போது  இந்த ஆண்டில் இந்த விண்ணப்பதாரர்கள் 6700ஆக குறைந்துள்ளதாக தரவுகள் காட்டுகின்றன.

சமீபத்திய கொள்கை மாற்றங்கள் மற்றும் வேறு ஏதேனும் பாதிப்புகளின் முழுப் பலனையும் காண அடுத்த ஆகஸ்ட் மற்றும் செப்டம்பர் மாதம் வரை காத்திருக்க வேண்டும் என உள்துறை அலுவலகம் கூறியுள்ளது.

அரசாங்கம் அறிமுகப்படுத்திய சமீபத்திய கொள்கை மாற்றங்கள், வருங்கால சர்வதேச மாணவர்களிடையே இங்கிலாந்தில் படிக்கும் ஆர்வத்தை குறைப்பதாகவும் எச்சரிக்கை விடுக்கப்பட்டுள்ளது.

2024 ஆம் ஆண்டின் முதல் மூன்று மாதங்களில் விண்ணப்பங்களின் வீழ்ச்சியானது சார்ந்த விசாவில் ஏற்படும் மாற்றங்கள், விண்ணப்பக் கட்டணம் மற்றும் சுகாதார கூடுதல் கட்டணங்கள் மற்றும் பட்டதாரி விசா மதிப்பாய்வு ஆகியவற்றின் சமீபத்திய அதிகரிப்பு ஆகியவற்றின் உண்மையான விளைவைக் காட்டுகிறது என தலைமை நிர்வாக அதிகாரி டயானா பீச் தெரிவித்துள்ளார்.

துரதிர்ஷ்டவசமாக, எத்தனை ‘பிரகாசமான மற்றும் சிறந்தவர்கள்’ இங்கிலாந்திற்கு விண்ணப்பிப்பதில் இருந்து தடுக்கப்பட்டுள்ளனர் என்பது எங்களுக்குத் தெரியாது, ஆனால் அமெரிக்கா எங்களைப் பின்தள்ளியிருப்பது இப்போது தெளிவாகிறது என்றும் அவர் குறிப்பிட்டுள்ளார்.

117 நாடுகளில் இருந்து 11,500 க்கும் மேற்பட்ட மாணவர்கள் கல்வி நடவடிக்கையை தொடர்வதற்காக அமெரிக்காவை தேர்ந்தெடுப்பதாக IDP Connectஇன் புதிய அறிக்கை காட்டுகிறது.

இது பிரித்தானியா எந்தளவிற்கு பின்தங்கியுள்ளது என்பதை அம்பலப்படுத்தியுள்ளது. பிரித்தானியாவை விட தற்போது பெரும்பாலான மாணவர்கள் நியூசிலாந்து மற்றும் ஜெர்மனி, கனடா ஆகிய நாடுகளை நாடுகின்றனர்.

இவ்வாறான ஒரு சூழ்நிலையில் லண்டன் ஹையர், அதன் ஸ்டடி லண்டன் பிரச்சாரத்தை விரைவில் தொடங்க உள்ளதாகவும் தகவல் வெளியாகியுள்ளது.