இந்தியப் பிரதமர் நரேந்திர மோடி இவ்வருடம் ஓகஸ்ட் மாதம் இலங்கைக்கு விஜயம் செய்யவுள்ளதாக ஜனாதிபதி அலுவலக அதிகாரிகள் ஊடகவியலாளர்களிடம் தெரிவித்துள்ளனர்.
பிரதமர் மோடியின் பதவியேற்பு விழாவில் கலந்து கொண்ட ஜனாதிபதி ரணில் விக்ரமசிங்க, இருவரும் ஞாயிற்றுக்கிழமை ராஷ்டிரபதி பவனில் சந்தித்தபோது, இலங்கைக்கு வருமாறு அழைப்பு விடுத்திருந்தார்.
பிரதமர் மோடியின் வருகை குறித்து இந்திய வெளியுறவு அமைச்சர் எஸ்.ஜெய்சங்கருடன் விக்ரமசிங்க டெல்லியில் விவாதித்திருந்தார். ஜனாதிபதியும் இந்திய வெளிவிவகார அமைச்சரும் இந்தியத் தலைவரின் விஜயம் தொடர்பில் கலந்துரையாடியதுடன், இவ்வருடம் ஓகஸ்ட் மாதம் குறித்த விஜயம் இடம்பெறவுள்ளதாக தெரியவந்துள்ளது.
விரைவில் இலங்கைக்கு விஜயம் செய்து இந்திய பிரதமரின் விஜயம் தொடர்பில் ஆராய்வதாக ஜனாதிபதி ரணில் விக்கிரமசிங்கவிடம் ஜெய்சங்கர் உறுதியளித்திருந்தார்.
இதன்படி இந்திய பிரதமராக நரேந்திர மோடி தெரிவு செய்யப்பட்டதன் பின்னர் இலங்கைக்கு விஜயம் மேற்கொள்ளும் முதலாவது சந்தர்ப்பம் இதுவாகும்.
இந்திய வெளிவிவகார அமைச்சர் எஸ்.ஜெய்சங்கர் எதிர்வரும் 20ஆம் திகதி இலங்கைக்கு விஜயம் செய்யவுள்ளதாக தெரிவிக்கப்படுகிறது.
அந்த நாட்டு வெளிவிவகார அமைச்சரின் விஜயத்தின் போது இந்தியப் பிரதமர் நரேந்திர மோடியின் இலங்கை விஜயம் உறுதி செய்யப்படும் என எதிர்பார்க்கப்படுகிறது.
