ஜனாதிபதி ரணில் விக்கிரமசிங்க, தேசிய பாதுகாப்புக் கொள்கையொன்றை உருவாக்குவதற்கான முதற்கட்டமாக “பாதுகாப்பு நிலை மீளாய்வு -2030” பிரேரணையை அமைச்சரவைக்கு அண்மையில் அனுப்பி வைத்துள்ளார்.
எதிர்கால மூலோபாய சவால்களுக்கு முகங்கொடுக்கும் வகையில் மாற்றுக் கொள்கைகளை ஆராய்ந்து அறிக்கையிடுவதற்கு நடவடிக்கைகள் உள்ளடக்கப்படும் என்றும் ஜனாதிபதி ஊடகப் பிரிவு தெரிவித்துள்ளது.
அதன்படி,
- 2030 இல் இலங்கைக்கான மூலோபாய பார்வை மற்றும் சவால்கள்.
- இலங்கையின் பாதுகாப்பு தேவைகள்.
- 2030க்கான பாதுகாப்புக் கொள்கை நோக்கங்கள்.
- மூலோபாய சவாலை எதிர்கொள்ள சக்தி நிலை மற்றும் சக்தி அமைப்பு.
- தற்போதுள்ள நிதி நிலைமைக்கு ஏற்ப அவசர தேவைகளுக்கு முன்னுரிமை அளித்தல்.
- என்பது குறித்து இங்கு பரிசீலிக்கப்படவுள்ளதாக ஜனாதிபதி ஊடகப் பிரிவு தெரிவித்துள்ளது.
இதற்கிடையில், இலங்கை மற்றும் இந்து சமுத்திரப் பிராந்தியத்திற்கான மூலோபாய சூழல் மிகவும் சிக்கலானதாகவும் சவாலானதாகவும் மாறி வருவதாகவும், தொடர்புடைய கொள்கையை அறிமுகப்படுத்துவதை பாதிக்கும் பிற காரணங்கள் ஒன்றோடொன்று இணைக்கப்பட்ட புவிசார் அரசியல் சவால்களை எதிர்கொள்வதாகவும் ஜனாதிபதி ஊடகப் பிரிவு சுட்டிக்காட்டியுள்ளது.
