ஐரோப்பிய ஒன்றியத்தின் முன்மொழியப்பட்ட திட்டங்களின்படி இளைஞர்கள் இங்கிலாந்துக்கும் ஐரோப்பாவுக்கும் இடையே எளிதாகச் செல்லவும், வேலை செய்யவும், படிக்கவும், பயிற்சி செய்யவும் அதிக நேரத்தை செலவிட முடியும் என அறிவிக்கப்பட்டுள்ளது.
ஐரோப்பிய ஆணையத்தால் முன்வைக்கப்பட்ட திட்டத்தின் கீழ், 18 முதல் 30 வயதுக்குட்பட்டவர்களுக்கு இங்கிலாந்து மற்றும் ஐரோப்பிய ஒன்றிய நாடுகளுக்கு இடையே அதிக நடமாட்டத்தை அனுமதிக்க புதிய விதிகள் கொண்டுவரப்படவுள்ளதாக தெரிவிக்கப்பட்டுள்ளது.
முறையான பேச்சுவார்த்தைகள் இன்னும் தொடங்கவில்லை என்றாலும் இதற்கான முன்மொழிவுகள் முன்வைக்கப்பட்டுள்ளதாக கூறப்படுகிறது.
பேச்சுவார்த்தைகள் தீவிரமாக தொடங்கும் முன், அனைத்து நாடுகளையும் பிரதிநிதித்துவப்படுத்தும் ஐரோப்பிய கவுன்சிலால் இந்த முன்மொழிவு மேலும் விவாதிக்கப்படும்.
ஐரோப்பிய ஒன்றியத்தால் முன்மொழியப்பட்ட திட்டங்கள் இளைஞர்கள் நான்கு ஆண்டுகள் ஐரோப்பாவில் தங்க அனுமதிக்கும், அதே விதிகள் பிரிட்டனுக்கு வரும் ஐரோப்பிய ஒன்றிய குடிமக்களுக்கும் நீட்டிக்கப்பட்டுள்ளமை குறிப்பிடத்தக்கது.
தொடர்புடைய செய்திகள்:
