ஜார்ஜியா மீது அமெரிக்கா புதிய விசா கட்டுப்பாடுகளை அறிமுகப்படுத்துவதாகவும், இந்த மாதம் ஜார்ஜிய நாடாளுமன்றத்தால் நிறைவேற்றப்பட்ட “வெளிநாட்டு முகவர்” மசோதா தொடர்பாக இரு நாடுகளுக்கு இடையிலான இருதரப்பு ஒத்துழைப்பை மறுஆய்வு செய்யத் தொடங்குவதாகவும் வெளியுறவுத்துறை செயலாளர் ஆண்டனி பிளிங்கன் தெரிவித்துள்ளார்.
இந்த நடவடிக்கைகளை ஒரு அறிக்கையில் அறிவித்த பிளிங்கன், இந்த சட்டம் “சங்கம் மற்றும் கருத்து சுதந்திரத்தைப் பயன்படுத்துவதைத் தடுக்கும்” என்றும் சுயாதீன ஊடக நிறுவனங்களின் பணிகளைத் தடுக்கும் என்றும் கூறினார்.
முன்னாள் சோவியத் யூனியன் நாடான ஜார்ஜியாவில் வெளிநாட்டு செல்வாக்கு சட்ட மசோதா சமீபத்தில் பாராளுமன்றத்தில் நிறைவேற்றப்பட்டது. இந்த சட்டம் ஜார்ஜியாவில் பெரும் எதிர்ப்புகளைத் தூண்டியது, எதிர்ப்பாளர்கள் இது சர்வாதிகாரம் மற்றும் ரஷ்யாவால் ஈர்க்கப்பட்டது என்று கண்டனம் வெளியிட்டனர். தன்னார்வ தொண்டு நிறுவனங்களுக்கு வெளிநாட்டு நிதியுதவியில் வெளிப்படைத்தன்மையை உறுதி செய்யவும், நாட்டின் இறையாண்மையைப் பாதுகாக்கவும் இது தேவை என்று ஜார்ஜிய ஆளும் கட்சி தெரிவித்தது.
விசா கட்டுப்பாட்டுக் கொள்கை “ஜார்ஜியாவில் ஜனநாயகத்தை குறைமதிப்பிற்கு உட்படுத்துவதற்கு பொறுப்பான அல்லது உடந்தையாக இருந்த” நபர்களுக்கும் அவர்களின் குடும்ப உறுப்பினர்களுக்கும் பொருந்தும்.
“எங்கள் இரு நாடுகளுக்கும் இடையிலான உறவை நாங்கள் மதிப்பாய்வு செய்யும்போது, எங்கள் சொந்த தீர்மானத்தின் படி ஜார்ஜியாவின் நடவடிக்கைகளை நாங்கள் கணக்கில் எடுத்துக்கொள்வோம்” என்று பிளிங்கன் மேலும் கூறினார்.
முன்னதாக வியாழனன்று(23) ரஷ்ய வெளியுறவு அமைச்சரக செய்தித் தொடர்பாளர் மரியா ஜகரோவா வாஷிங்டன் ஜார்ஜியாவை மிரட்டுவதாக குற்றம் சாட்டினார்.
