அமெரிக்க ஜனாதிபதி தேர்தலுக்கான கருத்துக் கணிப்புகளில் ஜனநாயகக் கட்சி வேட்பாளர் கமலா ஹாரிஸ் முன்னிலை வகிப்பதாக தெரியவந்துள்ளது.
அவர் சுமார் 47 சதவீத ஆதரவைப் பெற்றிருக்கிறார். குடியரசுக் கட்சி வேட்பாளர் டொனல்ட் டிரம்ப் 3 புள்ளி குறைவாக சுமார் 44 சதவீத ஆதரவைப் பெற்றுள்ளார்.
பல்வேறு கருத்துக் கணிப்புகளைத் தொகுத்து அமெரிக்காவின் FiveThirtyEight இணையத்தளம் அந்த விவரத்தை வெளியிட்டிருக்கிறது.
ஜனாதிபதி ஜோ பைடன் போட்டியில் இருந்து விலகிக் கொண்டு துணை ஜனாதிபதி கமலா ஹாரிஸை ஆதரிப்பதாக அறிவித்தபின் வாக்காளர் மனப்போக்கில் மாற்றம் ஏற்பட்டுள்ளது.
கடந்த மாதம் CNN தொலைக்காட்சி நடத்திய விவாதத்தில் பைடன் மோசமாகப் பேசியதைத் தொடர்ந்து டிரம்ப் கருத்துக் கணிப்புகளில் தொடர்ந்து முன்னணியில் இருந்தார். இப்போது ஹாரிஸ் முன்னிலை வகிக்கிறார்.
