பாலஸ்தீனியர்களுக்கு ஆதரவாக மே 16 அன்று நிறுவப்பட்ட லண்ட் பல்கலைக்கழகத்தின் கூடார முகாமில் இருந்து ஸ்வீடிஷ் பொலிஸார் வலுக்கட்டாயமாக மாணவர்களை வெளியேற்றினர்.போலிஸார் முகாம்களை அகற்ற முயன்றபோது டஜன் கணக்கான மாணவர்கள் வெளியேற மறுத்த்தினால், வலுக்கட்டாயமாக வெளியே இழுத்துச் செல்லப்பட்டனர்.
இரண்டு வாரங்களுக்கும் மேலாக கூடார முகாமில் வசிக்கும் அசீல் தெரிவிக்கையில் “இது சரியாக இல்லை. பொலிஸாருடன் நல்ல பேச்சுவார்த்தை நடத்துவோம் என்று நினைத்தேன். பின்னர் அவர்கள் வந்து நள்ளிரவில் எங்களை எழுப்பிவிட்டு, வெளியேற எங்களுக்கு அரை மணி நேரம் தான் இருக்கிறது என்று கூறுகிறார்கள் என தெரிவித்தார்.எவ்வாறாயினும், முகாம் வெள்ளிக்கிழமைக்குள் காலி செய்யப்பட வேண்டும் என்பது ஆரம்பத்தில் இருந்தே தெளிவாக உள்ளது என்று வலியுறுத்தினார்.
நியூயார்க்கில் உள்ள கொலம்பியா பல்கலைக்கழக மாணவர்கள் காசாவுக்கு ஆதரவாக முகாமிட்டு, இஸ்ரேலில் இருந்து தங்கள் பள்ளியை விலக்கக் கோரியபோது, ஏப்ரல் 17 முதல் அமெரிக்காவில் பாலஸ்தீன ஆதரவு போராட்டங்கள் நடைபெற்று வருகின்றன.கடந்த மாதம் முதல் அமெரிக்க பல்கலைக்கழக வளாகங்களில் 2,000க்கும் மேற்பட்டோர் கைது செய்யப்பட்டுள்ளனர்.
பிரான்ஸ், நெதர்லாந்து மற்றும் சுவிட்சர்லாந்து உள்ளிட்ட ஐரோப்பாவின் சில பகுதிகளில் உள்ள பல்கலைக்கழக வளாகங்களில் ஆர்ப்பாட்டங்களும் உள்ளிருப்புப் போராட்டங்களும் நடத்தப்படுகின்றன. காசா மீதான இஸ்ரேலிய தாக்குதல்களுக்கு எதிராக 36,000 க்கும் அதிகமானோர் கொல்லப்பட்டனர், பெரும்பாலும் பெண்கள் மற்றும் குழந்தைகள் மற்றும் அதிகமானோர் காயமடைந்தனர்.
சர்வதேச நீதிமன்றத்தில் இஸ்ரேல் இனப்படுகொலை செய்வதாக குற்றம் சாட்டப்பட்டுள்ளது. இனப்படுகொலை நடவடிக்கைகளை நிறுத்தவும், காசாவில் உள்ள பொதுமக்களுக்கு மனிதாபிமான உதவிகள் வழங்கப்படுவதற்கு உத்தரவாதம் அளிக்க நடவடிக்கை எடுக்கவும் ஒரு இடைக்கால தீர்ப்பு உத்தரவிட்டது.
