சிறுத்தை சிவா இயக்கத்தில் சூர்யா நடிப்பில் கங்குவா படம் திரைக்கு வர தயாராகிவிட்டது. அக்டோபர் 10ஆம் தேதியை குறிவைத்துள்ள இப்படம் நிச்சயம் ஆயிரம் கோடி வசூலை தட்டி தூக்கும் என எதிர்பார்க்கப்படுகிறது.
அதேபோல் இப்படத்தில் கார்த்தியும் முக்கிய கேரக்டரில் வருவது கூடுதல் சிறப்பாக அமைந்துள்ளது. மேலும் இதன் இரண்டாம் பாகம் அடுத்த வருடம் வெளியாக இருக்கிறது.
இந்தநிலையில் சூர்யா தன்னுடைய 44 வது படத்தில் கவனம் செலுத்தி வருகிறார். கார்த்திக் சுப்புராஜ் இயக்கும் இப்படத்தின் ஸ்பெஷல் வீடியோ ஒன்று சமீபத்தில் சூர்யா பிறந்த நாளன்று வெளிவந்தது.
அது வரவேற்பை பெற்ற நிலையில் தற்போது இரண்டாம் கட்ட படப்பிடிப்பு ஊட்டியில் விறுவிறுப்பாக நடைபெற்று வருகிறது.
அதில் சண்டைக் காட்சி படமாக்கப்பட்ட போது எதிர்பாராத விதமாக சூர்யாவின் தலையில் அடிபட்டதாக அதிர்ச்சி தகவல்கள் வெளிவந்துள்ளது.
அதைத்தொடர்ந்து படப்பிடிப்பு நிறுத்தப்பட்டு உடனடியாக அவருக்கு மருத்துவ சிகிச்சை அளிக்கப்பட்டது. அவரை பரிசோதித்த மருத்துவர்கள் மைனர் காயம் தான் என்றாலும் சில நாட்கள் அவர் கட்டாய ஓய்வு எடுக்க வேண்டும் என அறிவுறுத்தியுள்ளனர்.
