குளோபல் ஸ்டேட்ஷாட் அறிக்கையின்படி, சவுதி அரேபியா, ஐக்கிய அரபு எமிரேட்ஸ் மற்றும் நார்வே ஆகியவை உலகில் அதிக சதவீத இணைய பயனர்களைக் கொண்டுள்ளன.
இந்த மூன்று நாடுகளில் 99 சதவீத மக்கள் இணையத்தைப் பயன்படுத்துகின்றனர். சமீபத்திய மதிப்பீடுகளின்படி, உலகில் 5.3 பில்லியன் மக்கள் இணையத்தைப் பயன்படுத்துகின்றனர்.
இந்த ஆண்டில் இணையத்தைப் பயன்படுத்துவோர் எண்ணிக்கையில் 18.9 கோடி (3.7 சதவீதம்) அதிகரிப்பு பதிவு செய்யப்பட்டுள்ளது.
இதன் பொருள் உலக மக்கள் தொகையில் 65 சதவீதத்திற்கும் அதிகமானோர் இணைய அணுகலைப் பெற்றுள்ளனர். இருப்பினும், உலகெங்கிலும் உள்ள நாடுகளில் இணைய பயனர்களின் விகிதத்தில் பெரிய வேறுபாடுகள் உள்ளன.
உலகின் மிகப்பெரிய பொருளாதார சக்திகளான மேற்கு நாடுகள், சவுதி அரேபியா மற்றும் ஐக்கிய அரபு எமிரேட்ஸை விட குறைவான சதவீத இணைய பயனர்களைக் கொண்டிருக்கின்றன.
ஜெர்மனி மற்றும் பிரான்சில், 93 சதவீத மக்கள் தினசரி இணையத்தில் உலாவுகிறார்கள். அமெரிக்காவின் டிஜிட்டல் அணுகுமுறை உலகின் பிற பகுதிகளில் பெரும் தாக்கத்தை ஏற்படுத்தி வருகிறது.
ஆனால் அமெரிக்காவில் இணையத்தைப் பயன்படுத்துபவர்களின் விகிதம் 91.8 சதவீதம். இது ஐரோப்பிய ஒன்றியம் மற்றும் பிரிட்டனை விட குறைவாகும்.
உலகிலேயே மலிவான இணைய சேவை ஜப்பானில் உள்ளது. ஆனால் ஜப்பானின் மக்கள் தொகையில் 82.9 சதவீதம் பேர் மட்டுமே இணையத்தைப் பயன்படுத்துகின்றனர்.
பல்கேரியா, மெக்சிகோ, கிரீஸ் மற்றும் துருக்கி ஆகிய நாடுகளும் இணைய பயனர்களின் விகிதத்தில் ஏறக்குறைய அதே விகிதத்தைக் கொண்டுள்ளன.
உலகின் இரண்டாவது பெரிய பொருளாதார நாடான சீனாவில் இணைய ஊடுருவல் விகிதம் 75.7 சதவீதமாக உள்ளது. இது இந்தியாவில் இணையம் பயன்படுத்துவோரின் விகிதத்தை விட அதிகம்.
இந்தியாவில் 53 சதவீத மக்கள் மட்டுமே இணைய வசதியைப் பெற்றுள்ளனர். உலகிலேயே மிகக் குறைவான இணைய வசதி வட கொரியர்களிடம் உள்ளது.
வட கொரியாவில் 99.9 சதவீத மக்கள் இணைய வசதி இல்லை. தென் சூடான், சோமாலியா மற்றும் மத்திய ஆபிரிக்கா ஆகியவை குறைந்த இணைய அணுகல் உள்ள நாடுகளில் உள்ளன.
இந்த மூன்று நாடுகளில், 90 சதவீத மக்களிடம் இணைய வசதி இல்லை.
