இவ்வருட இறுதி காலாண்டுக்குள் அரச துறை ஊழியர்களின் சம்பளத்தை அதிகரிக்க அரசாங்கம் திட்டமிட்டுள்ளதாக ஐக்கிய தேசியக் கட்சியின் பொதுச் செயலாளர் பாலித ரங்கே பண்டார தெரிவித்துள்ளார்.
ஊடகங்களுக்கு கருத்து தெரிவித்த அவர், அரசாங்கம் எதிர்பார்த்த இலக்குகளை எட்டினால், அதன் பலன்களை பொதுமக்கள் பெறுவார்கள் என வலியுறுத்தினார்.
“நாங்கள் இப்போது திவால்நிலையிலிருந்து வெளியே வந்துள்ளோம். இதனால், மக்கள் பயனடைந்துள்ளனர்,’என்றார்.
“நாட்டின் பொருளாதாரம் புனரமைக்கப்பட்டதன் பின்னர், வருடத்தின் இறுதி காலாண்டிற்குள் அரச ஊழியர்களுக்கு சம்பள உயர்வை வழங்குவதற்கு தான் நம்புவதாக ஜனாதிபதி தெளிவாகக் குறிப்பிட்டுள்ளார்” என அவர் மேலும் தெரிவித்தார்.
“இதனால்தான் அரசாங்கம் பணம் வசூலிக்கவும், வருமானத்தை அதிகரிக்கவும் முயற்சிக்கிறது. அரசு எதிர்பார்த்த இலக்கை எட்டினால், அரசு ஊழியர்களும் பயனடைவார்கள்,” என்றார்.
