தரமற்ற இம்யூனோகுளோபுலின் ஊசியை இறக்குமதி செய்தமை தொடர்பில் தாம் முதல் முறைப்பாட்டாளர் எனவும் எனவே தன்னிடம் வாக்குமூலம் பதிவு செய்ய வேண்டிய அவசியமில்லை எனவும் முன்னாள் சுகாதார அமைச்சர் கெஹலிய ரம்புக்வெல்ல தெரிவித்துள்ளார்.
எவ்வாறாயினும், குற்றப் புலனாய்வுத் திணைக்களம் தனது முறைப்பாடு தொடர்பில் மேலதிக தகவல்களைப் பெற விரும்பினால் தாம் தயார் எனவும் அவர் குறிப்பிட்டுள்ளார்.
அரசாங்க தகவல் திணைக்களத்தில் நடைபெற்ற செய்தியாளர் சந்திப்பில் அவர் இதனைத் தெரிவித்தார்.
“நான்தான் புகார்தாரர். புகார் தொடர்பாக பதில் அளிக்க வேண்டிய அவசியமில்லை. புகார் என்பது அறிக்கை. புகார்களின் அனைத்து விவரங்களும் சேர்க்கப்பட்டுள்ளன. புகார் தொடர்பான கூடுதல் விவரங்களை நீங்கள் எப்போதாவது பெற வேண்டியிருந்தால், கேட்கலாம்” எனத் தெரிவித்துள்ளார்.
