கடந்த ஜூன் மாத இறுதியில் வெடித்த முழுமையற்ற எழுச்சிக்குப் பிறகு, ரஷ்ய வாக்னர் கூலிப்படையின் தலைவரான யெவ்ஜெனி பிரிகோஜின் முதல் முறையாக வீடியோ அறிக்கை ஒன்றை முன்வைத்துள்ளார்.
வாக்னர் குழுவைச் சேர்ந்த டெலிகிராம் சேனல்கள் மூலம் பரப்பப்பட்ட இந்த வீடியோ, ஆப்பிரிக்காவில் படமாக்கப்பட்டிருக்கலாம் என்று நம்பப்படுகிறது.
ராய்ட்டர்ஸின் கூற்றுப்படி, வாக்னர் குழுமத்தின் தலைவர் இப்போது ஆப்பிரிக்காவில் இருப்பதாக சுட்டிக்காட்டப்படுகிறது.
ஆபிரிக்காவில் மோதல்கள் நிறைந்த மாநிலங்களில் வாக்னர் குழுவின் செயல்பாடுகள் முன்னர் தெரிவிக்கப்பட்டிருந்தாலும், அவற்றின் தற்போதைய செயல்பாடு பற்றிய கூடுதல் விவரங்கள் எதுவும் வெளியிடப்படவில்லை.
புதிய வீடியோவில், ப்ரிகோசின் ஒரு பாலைவனப் பகுதியில் துப்பாக்கியைப் பிடித்தபடி, மற்ற ஆயுதமேந்திய மனிதர்களுடன் காணப்படுகிறார்.
“வீடியோவில் பேசியுள்ள அவர், வெப்பநிலை 50 டிகிரிக்கு மேல் உள்ளது. எல்லாம் நம் வழியில் செல்கிறது. வாக்னர் படைப்பிரிவு ரஷ்யாவை அனைத்து கண்டங்களிலும் சிறந்ததாக்குகிறது. ஆப்பிரிக்காவிற்கு அதிக சுதந்திரத்தையும் நீதியையும் ஆப்பிரிக்க மக்களுக்கு மகிழ்ச்சியையும் கொண்டு வருகிறது எனத் தெரிவித்துள்ளார்.
