அமெரிக்காவின் நெவாடா பகுதியில் உள்ள ரெனோவில் நடந்த தேசிய சாம்பியன்ஷிப் ஏர் ரேஸ் மற்றும் ஏர் ஷோவின் போது விமானங்கள் மோதியதில் இரண்டு விமானிகள் உயிரிழந்ததாக செய்தி வெளியிடப்பட்டுள்ளது.
T-6 தங்கப் பந்தயத்தின் முடிவில் விமானங்கள் மோதிக்கொண்டதாக ரெனோ ஏர் ரேசிங் அசோசியேஷன் அதிகாரிகள் தெரிவித்துள்ளனர்.
உயிரிழந்த இரண்டு விமானிகள் நிக் மேசி மற்றும் கிறிஸ் ரஷிங் என அடையாளம் காணப்பட்டுள்ளனர்.
இரண்டு விமானங்களும், ஒற்றை எஞ்சின் வட அமெரிக்க டி-6 ஜி மற்றும் ஒற்றை எஞ்சின் கொண்ட வட அமெரிக்க ஏடி-6பி ஆகியவை தரையிறங்கும் பணியில் ஈடுபட்டிருந்தபோது மோதின.
“இன்று மதியம், டி-6 தங்கப் பந்தயத்தின் முடிவில், தரையிறங்கியபோது, இரண்டு விமானங்கள் மோதியதில், இரு விமானிகளும் உயிரிழந்தது உறுதி செய்யப்பட்டுள்ளது” என்று ரெனோ ஏர் ரேசிங் அசோசியேஷன் ஃபேஸ்புக்கில் வெளியிட்ட அறிக்கையில் தெரிவித்துள்ளது.
