சர்வதேச நாணய நிதியத்தின் பிரகாரம் செயற்படுவதாக உறுதியளிக்கும் வேட்பாளரை ஆதரிப்பதாக போக்குவரத்து, நெடுஞ்சாலைகள் மற்றும் வெகுஜன ஊடக அமைச்சர் கலாநிதி பந்துல குணவர்தன கூறியுள்ளார்.
தற்போது ரணில் விக்கிரமசிங்க மாத்திரமே அந்த உறுதிமொழியை வழங்கியுள்ளார் எனவும் அவர் குறிப்பிட்டுள்ளார்.
வெளிநாட்டுக் கடனை மறுசீரமைப்பதற்காக 100 வீதம் சர்வதேச ஆதரவைப் பெறக்கூடிய ஒரு வேட்பாளருக்கு மட்டுமே ஆதரவளிப்பதாக ஊடகவியலாளர்கள் எழுப்பிய கேள்விக்கு அவர் தெரிவித்தார்.
மேலும் கருத்து தெரிவித்த அமைச்சர்,
“சர்வதேச நாணய நிதியத்தால் கையொப்பமிடப்பட்ட ஒப்பந்தத்தின்படி செயல்படுவதாக உறுதியளிக்கும் மற்றும் வெளிநாட்டுக் கடனை மறுசீரமைப்பதற்காக 100 வீதம் சர்வதேச ஆதரவைப் பெறக்கூடிய வேட்பாளரை மட்டுமே நான் ஆதரிக்கிறேன்.
தற்போது ரணில் விக்கிரமசிங்க அந்த உறுதிமொழியை வழங்கியுள்ளார். எதிர்காலத்தில், அதிக அனுபவம் உள்ளவர்கள் முன்வந்தால், பரிசீலிக்கலாம்,” எனவும் அமைச்சர் குறிப்பிட்டுள்ளார்.
