YouTube காணொளித் தளத்தில் அதிக வருமானம் ஈட்டுவோரில் ஒருவரான MrBeastக்கு அட்லான்ட்டிக் பெருங்கடலில் மூழ்கிய டைட்டானிக் (Titanic) கப்பலின் சிதைவுகளைக் காண்பதற்காக நீர்முழ்கிக் கப்பலில் செல்ல அழைப்பு வந்ததாக தெரியவந்துள்ளது.
பதிவில் இணைக்கப்பட்ட படத்தில் ஒருவர் அனுப்பிய குறுந்தகவலைப் பார்க்கமுடிகிறது.
“நான் Titanic கப்பலைப் பார்ப்பதற்கு நீர்மூழ்கிக் கப்பலில் இம்மாத இறுதியில் செல்வேன். நீங்கள் வந்தால் என் குழு மகிழ்ச்சியாக இருக்கும்” என்று குறுந்தகவலில் குறிப்பிடப்பட்டுள்ளது.
“நீர்மூழ்கிக் கப்பலில் செல்ல எனக்கு இம்மாதத் தொடக்கத்தில் அழைப்பு வந்தது. நான் செல்ல மறுத்துவிட்டேன். நான் அப்படிக் கப்பலில் சென்றிருந்தால்? நினைக்கவே பயமாக உள்ளது,” என்று அவர் Twitter-இல் பதிவிட்டார்.
MrBeastஉக்கு YouTubeஇல் 162 மில்லியன் ரசிகர்கள் உள்ளனர். தளத்தில் ஆக அதிகமான ரசிகர்களைக் கொண்ட படைப்பாளர் அவராகும்.
