பிரித்தானியாவில் நிலவும் சீரற்ற வானிலை காரணமாக பிரிஸ்டல் விமான நிலையத்தில் விமானங்கள் தரையிறங்க முடியாமல் தவித்ததாக அங்கிருந்து வரும் செய்திகள் தெரிவித்துள்ளன.
கெரிட் புயல் தாக்கத்தின் காரணமாக ஹீத்ரோவிலிருந்து பல விமானங்கள் இன்று (28.12) ரத்து செய்யப்பட்டன. அதேநேரம் பிரிஸ்டல் விமான நிலையத்திற்கு வருகை தந்த விமானங்கள் தரையிரங்க முடியாமல் சிரமத்தை எதிர்நோக்கியுள்ளன.
காற்றானது 80 மைல் வேகத்தில் வீசிய நிலையில், ரயில், விமானம் மற்றும் படகு சேவைகளும் தாமதத்தை சந்தித்ததாக தெரிவிக்கப்படுகிறது.
மேற்கு லண்டனில் உள்ள ஹீத்ரோவில், விமானப் போக்குவரத்துக் கட்டுப்பாடுகள் காரணமாக, விமான நிலையத்திற்குச் செல்ல அல்லது அங்கிருந்து இயக்கப்பட இருந்த 18 விமானங்களை பிரிட்டிஷ் ஏர்வேஸ் ரத்து செய்தது.
இவை அபெர்டீன், எடின்பர்க், கிளாஸ்கோ, ஜெர்சி மற்றும் மான்செஸ்டர் மற்றும் ஐரோப்பாவின் பிரதான நிலப்பரப்பில் உள்ள பார்சிலோனா, பெர்லின், மாட்ரிட் மற்றும் பாரிஸ் சார்லஸ் டி கோல் ஆகிய இடங்களுக்கு உள்நாட்டு பயணங்களை மேற்கொள்கின்றன.
