வடகொரிய தலைவர் கிம் ஜாங் உன் ரஷ்யா செல்ல தயாராகி வருவதாக தகவல் வெளியாகி உள்ளது.
ரஷ்யாவுக்கு சொந்தமான பசிபிக் துறைமுகத்தை பார்வையிட கிம் தயாராகி வருவதாக ராய்ட்டர்ஸ் செய்தி வெளியிட்டுள்ளது.
ஆனால் இந்த விஜயம் குறித்து எந்த ஒரு தரப்பிலும் அதிகாரப்பூர்வ அறிவிப்பு வெளியாகவில்லை.
உக்ரைன்-ரஷ்யா மோதலில் வடகொரியா தலையிட்டு ஆயுதங்களை வழங்கக் கூடும் என செய்திகள் வெளியாகியுள்ள நிலையில், அமெரிக்கா இது தொடர்பில் அதிருப்தியில் உள்ளதாக வெளிநாட்டு ஊடகங்கள் சுட்டிக்காட்டுகின்றன.
ஆனால் கிம்மின் வருகை இதுவரை எந்த விதத்திலும் உறுதி செய்யப்படவில்லை. இந்த செய்தியை முதலில் நியூயார்க் டைம்ஸ் வெளியிட்டதாக தென் கொரியாவின் உளவுத்துறை தெரிவித்துள்ளது.
ஆனால் இந்த செய்தி குறித்து வடகொரிய மற்றும் ரஷ்ய ஊடகங்கள் எந்த அதிகாரப்பூர்வ அறிவிப்பையும் வெளியிடவில்லை.
மாஸ்கோவிற்கு கிழக்கே சுமார் 6,500 கிலோமீட்டர் (4,000 மைல்கள்) தொலைவில் ரஷ்யாவின் பசிபிக் துறைமுகம் உள்ளது.
ஜனாதிபதி விளாடிமிர் புடின் இந்த வாரம் விளாடிவோஸ்டாக்கில் உள்ள பொருளாதார மன்றத்தில் ஒரு சிறப்பு கலந்துரையாடலை நடத்த திட்டமிட்டுள்ளதாகவும் வெளிநாட்டு ஊடகங்கள் கூறுகின்றன.
ஆனால் அது பற்றிய சமீபத்திய தகவல்கள் எதுவும் இல்லை. இது தொடர்பாக கிரெம்ளினும் புடினின் முடிவுகள் பற்றி எதுவும் தெரியாது என்று கூறியுள்ளது.
