இந்திய விமானப்படைக்கு போர் ஜெட் என்ஜின்களை கூட்டாக தயாரிக்கும் இந்தியா-அமெரிக்கா ஒப்பந்தம் புரட்சிகரமானது என்று அமெரிக்க பாதுகாப்பு செயலாளர் லாயிட் ஆஸ்டின் சட்டமியற்றுபவர்களிடம் தெரிவித்தார்.
கடந்த ஜூன் மாதம் பிரதமர் நரேந்திர மோடியின் வரலாற்று சிறப்புமிக்க அரசு முறை பயணத்தின் போது இந்த முக்கிய ஒப்பந்தம் அறிவிக்கப்பட்டது.
ஜெனரல் எலக்ட்ரிக் நிறுவனம் ஹிந்துஸ்தான் ஏரோநாட்டிக்ஸ் நிறுவனத்துடன் இந்திய விமானப்படைக்கு போர் விமான இயந்திரங்களை உருவாக்குவதற்கான புரிந்துணர்வு ஒப்பந்தத்தில் கையெழுத்திட்டது.
ஆஸ்டின் ஹவுஸ் அப்ராபிரியேஷன்ஸ் துணைக்குழுவிடம், இந்தியாவுடன் அமெரிக்கா “சிறந்த உறவை” கொண்டுள்ளது என்று கூறினார்.
“நாங்கள் சமீபத்தில் இந்தியாவில் ஒரு ஜெட் ஆயுதம், ஒரு ஜெட் என்ஜின் தயாரிக்க இந்தியாவுக்கு உதவினோம். அதுவும் ஒருவகையில் புரட்சிகரமானது. அது அவர்களுக்கு ஒரு சிறந்த திறனை வழங்கும். இந்தியாவுடன் இணைந்து கவச வாகனத்தையும் தயாரித்து வருகிறோம்,” என்றார்.
