ரஷ்ய அதிபர் விளாடிமிர் புடின், ஈரானின் தற்காலிக அதிபர் முகமது மொக்பருடன் புதன்கிழமை(26) தொலைபேசியில் உரையாடினார்.
கிரெம்ளினின் அறிக்கையின்படி பல்வேறு துறைகளில் இரு நாடுகளுக்கும் இடையிலான உறவுகள் குறித்து உரையாடல் கவனம் செலுத்தியது.
அழைப்பின் போது, எரிசக்தி துறையில் ஒத்துழைப்பை மேம்படுத்துவது மற்றும் பெரிய அளவிலான உள்கட்டமைப்பு திட்டங்களை செயல்படுத்துவது குறித்து இரு தரப்பும் திருப்தி தெரிவித்தன.
ரஷ்யாவுக்கும் ஈரானுக்கும் இடையிலான உறவுகள் தொடர்ந்து வளர்ச்சியடையும் என்று குறிப்பிட்டு, எதிர்வரும் ஜனாதிபதித் தேர்தலில் ஈரானிய மக்கள் வெற்றிபெற வேண்டுமென புடின் வாழ்த்தினார்.
ஈரான் அதிபர் இப்ராஹிம் ரைசி கடந்த மே 19ம் திகதி ஹெலிகாப்டர் விபத்தில் மரணம் அடைந்ததை தொடர்ந்து ஈரானில் அதிபர் தேர்தலை ஜூன் 28ம் திகதி நடத்த முடிவு செய்யப்பட்டது.
