பிலடெல்பியாவில் 21 வயது இந்திய வம்சாவளி மாணவர் ஒருவர் சுட்டுக் கொல்லப்பட்டதாக கலீஜ் டைம்ஸ் திங்கள்கிழமை செய்தி வெளியிட்டுள்ளது.
உயிரிழந்த மாணவர் ஜூட் சாக்கோ என அடையாளம் காணப்பட்டார்.
அவர் ஞாயிற்றுக்கிழமை (உள்ளூர் நேரம்) வேலை முடிந்து திரும்பிக் கொண்டிருந்த போது அடையாளம் தெரியாத ஆசாமிகளால் சுட்டுக் கொல்லப்பட்டார் என்று கலீஜ் டைம்ஸ் மேலும் தெரிவித்துள்ளது.
கலீஜ் டைம்ஸ் என்பது ஐக்கிய அரபு எமிரேட்ஸை தளமாகக் கொண்ட ஒரு ஆங்கில நாளிதழ் ஏப்ரல் 1978 இல் தொடங்கப்பட்டது.
“பாதிக்கப்பட்ட மாணவரின் பெற்றோர்கள் கேரளாவின் கொல்லம் மாவட்டத்தில் இருந்து சுமார் 30 ஆண்டுகளுக்கு முன்பு அமெரிக்காவிற்கு குடிபெயர்ந்தனர்” என்று இந்திய ஊடகங்களை மேற்கோள் காட்டி கலீஜ் டைம்ஸ் செய்தி வெளியிட்டுள்ளது.
ஜூட் சாக்கோ ஒரு மாணவர், அவர் பகுதி நேரமாக வேலை செய்தார். ஒரு கொள்ளை முயற்சியின் போது அவர் இரண்டு நபர்களால் தாக்கப்பட்டார் என்று கலீஜ் டைம்ஸ் செய்தி வெளியிட்டுள்ளது.
அமெரிக்காவில் இந்திய வம்சாவளி மாணவர் ஒருவர் குறிவைத்து கொல்லப்பட்டது இந்த ஆண்டில் பதிவான இரண்டாவது சம்பவம் இதுவாகும்.
முன்னதாக, ஏப்ரல் 21, 2023 அன்று, ஆந்திராவைச் சேர்ந்த 24 வயது மாணவர் அமெரிக்காவில் உள்ள எரிபொருள் நிலையத்தில் சுட்டுக் கொல்லப்பட்டதாக கொலம்பஸ் பிரிவு காவல்துறை கூறியது.
