தமிழகம், நாமக்கல் மாவட்டம் ராசிபுரம் அடுத்துள்ளது மெட்டாலா கணவாய்பட்டி என்ற கிராமத்தில் விபத்தில் சிக்கி, கிணற்றில் விழுந்த மாணவர்களை மீட்கச் சென்ற மூவர் உட்பட நான்கு பேர் உயிரிழந்த சம்பவம், சோகத்தை ஏற்படுத்தியிருக்கிறது.
இவ்விபத்து சம்பவம் தொடர்பில் மேலும் தெரியவருவதாவது,
சிறுவர்கள் 3 பேரும் இரு சக்கர வாகனத்தில் பயணம் செய்து கொண்டிருந்த.போது வாகனம் நிலை தடுமாறியதில், அதில் வந்த சிறுவர்கள் 3 பேரும் வீதி ஓரத்தில் இருந்த 100 அடி ஆழம் கொண்ட விவசாய கிணற்றுக்குள் தவறி விழுந்துள்ளனர்.
சிறுவர்கால் பயணம் செய்த வாகனத்தின் பின்னால் மற்றொரு வாகனத்தில் வந்த குப்புசாமி (58), அசோக்குமார் (38), சரவணன் (35) ஆகிய 3 பேரும், சிறுவர்களை காப்பற்றுவதற்கு கிணற்றுக்குள் குதித்துள்ளனர்.
தொடர்ந்து முயற்சி மேற்கொண்டதில் சிறுவர்களான அபினேஷ் (15), நிதீஷ்குமார் (15), ஆகிய இருவரும் மீட்கப்பட்டனர்.
இச்சம்பவத்தில் சிறுவன் விக்னேஷ் (13) மட்டுமின்றி சிறுவர்களை காப்பாற்ற கிணற்றுக்குள் குதித்த குப்புசாமி, அசோக் குமார், சரவணன் ஆகிய 3 பேரும் நீருக்குள் மூழ்கி உயிரிழந்தனர்.
இதையடுத்து இதுகுறித்து பொலிசாருக்கு தகவல் தெரிவிக்கப்பட்டது.
விரைந்து வந்த ராசிபுரம் பொலிஸார், தீயணைப்புதுறையினரின் உதவியுடன் கிணற்றில் மூழ்கிய 4 பேரையும் மீட்கும் முயற்சியில் ஈடுபட்டனர்.
சுமார் 3 மணி நேர போராட்டத்துக்குப் பின் 4 பேரும் கிணற்றில் இருந்து சடலமாக மீட்கப்பட்டனர்.
