அவுஸ்திரேலியாவில் தயாரிக்கப்பட்ட ஆளில்லாவிமானம் வெடிபொருட்களுடன் ரஸ்யாவிற்குள் விழுந்து நொருங்கியுள்ளதை காண்பிக்கும் படங்கள் சமூக ஊடகங்களில் வெளியாகியுள்ளன.
ரஷ்ய அதிபர் புட்டினின் ஆதரவு சமூக ஊடகங்களில் இந்த படங்கள் வெளியாகியுள்ளன.
சைபக் என்ற அவுஸ்திரேலிய நிறுவனமொன்று தயாரித்துள்ள ஆளில்லா விமானமே ரஸ்யாவிற்குள் விழுந்து நொருங்கியுள்ளது.
அதேவேளை குறிப்பிட்ட நிறுவனம் பலமாதங்களாக உக்ரைன் இராணுவத்திற்கு ஆளில்லா விமானங்களை வழங்கி வந்துள்ளது. ரஸ்யாவிற்குள் விழுந்து நொருங்கிய விமானத்தின் இறக்கையில் வெடிக்கும்கருவிகள் காணப்படுகின்றதாக டெலிகிராமில் ரஸ்யர் ஒருவர் தெரிவித்துள்ளார்.
