காசாவில் போர்நிறுத்த ஒப்பந்தத்திற்கு ஹமாஸ் தனது பதிலை மத்தியஸ்தர்களிடம் சமர்ப்பித்துள்ளது.
கத்தார் மற்றும் எகிப்தில் உள்ள தனது சகோதரர்களுக்கு பதில் அளிக்கப்பட்டதாக ஹமாஸ் ஒரு அறிக்கையில் தெரிவித்துள்ளது.
விரிவான மற்றும் முழுமையான போர்நிறுத்தமே இதற்குப் பதில் என்றும் அந்த அறிக்கையில் குறிப்பிடப்பட்டுள்ளது.
கடந்த வாரம் எகிப்து, கத்தார் மற்றும் அமெரிக்கா ஆகிய நாடுகள் இணைந்து பாரிசில் நடந்த அமைதிப் பேச்சுவார்த்தையில் இஸ்ரேலுக்கும் ஹமாஸுக்கும் வரைவு போர்நிறுத்த ஒப்பந்தம் கையளிக்கப்பட்டது.
வரைவு ஒப்பந்தம் இரண்டு மாத தற்காலிக போர்நிறுத்தத்தை அமுல்படுத்துவதையும், இஸ்ரேலிய சிறைகளில் அடைக்கப்பட்டுள்ள பாலஸ்தீனிய கைதிகளை விடுவிப்பதற்கு ஈடாக ஹமாஸால் பிடிக்கப்பட்ட அனைத்து இஸ்ரேலிய பணயக்கைதிகளையும் விடுவிக்க வேண்டும் எனவும் கூறுகிறது.
