கோவை விமான நிலையத்தில் இரண்டு இட்லி மற்றும் ஒரு வடை ரூ.200-க்கு விற்பனை செய்யப்படுகிறது. சாம்பார் இட்லி ஒன்று ரூ.90, ஒரு செட் இட்லி மட்டும் ரூ.120, பரோட்டா குருமா ரூ.200, சப்பாத்தி ஒரு செட் ரூ.200, ஆனியன் ரோஸ்ட் ரூ.220 என்ற விலையில் விற்பனை செய்யப்படுகிறது.
கோவை பீளமேட்டில் அமைந்துள்ள விமான நிலையத்தில் விற்கப்படும் இந்த விலை கேட்போரை நிச்சயம் தலை சுற்ற வைக்கும். விமான நிலையத்திற்கு மட்டுமில்லை. விமான நிலையத்திற்கு வெளிப்புறத்தில் உள்ள கடையிலும் இதேபோலவே விலை அதிகமாக வைத்து விற்பனை செய்யப்படுகிறது என்று பயணிகள் புகார் தெரிவிக்கிறார்கள், தப்பித்தவறி கூட ஏர்போர்ட்டில் சாப்பிட ஆசைப்படக்கூடாது என்பது போல் உணவு பொருட்களின் விலை இருப்பதாக, மக்கள் வேதனை அடைந்துள்ளனர்.
