ஸ்ரீலங்கா பொதுஜன பெரமுனவின் நிறைவேற்று சபை எதிர்வரும் புதன்கிழமை கூடவுள்ளது.
ஜனாதிபதி வேட்பாளர் மற்றும் முதல் தேர்தல் குறித்து முடிவெடுக்க செயற்குழு உறுப்பினர்கள் தயாராக உள்ளதாக கூறப்படுகிறது.
எனினும் தற்போதைய ஜனாதிபதி ரணில் விக்ரமசிங்கவின் பெயரை ஜனாதிபதி வேட்பாளராக முன்மொழிய அமைச்சர் பிரசன்ன ரணதுங்க உள்ளிட்டோர் தயாராகி வருவதாகவும் தெரிவிக்கப்படுகிறது.
அத்துடன், தற்போதைய அரசாங்கத்தின் அமைச்சர்கள் மற்றும் சலுகை பெற்ற குழுவைத் தவிர ஏனைய கட்சிகள் ஜனாதிபதி விக்ரமசிங்கவை பொதுஜன பெரமுனவின் வேட்பாளராக நிறுத்துவதற்கு எதிர்ப்புத் தெரிவித்துள்ளதாக கட்சியின் தலைவர் ஒருவர் தெரிவித்தார்.
