போர் கைதிகள் தலை துண்டிக்கப்பட்ட காணொளிகள் திகைப்பூட்டுவதாக ஐ.நா தெரிவிப்பு!
சமூக ஊடகங்களில் பரவி வரும் உக்ரேனிய இராணுவ வீரர்களின் தலையை துண்டித்துக் கொல்லும் கொடூரமான காணொளிகள் திகைப்பூட்டுவதாக ஐ.நா தெரிவித்துள்ளது.
சமூக ஊடகத்தில் வைரலாகி வரும் இரு காணொளிகளில் ஒன்று, உக்ரேனிய போர் கைதி ஒருவரின் தலை துண்டிக்கப்பட்டுள்ளதையும், மற்றொன்று தலை துண்டிக்கப்பட்ட உடல்கள் நிலத்தில் கிடப்பதையும் காட்டுகின்றன.
இது குறித்து கருத்து வெளியிட்டுள்ள ஐ.நா மனித உரிமைகள் கண்காணிப்பு குழு, இது ஒரு தனிமைப்படுத்தப்பட்ட சம்பவம் அல்ல எனக் குறிப்பிட்டுள்ளது.
போர்க் கைதிகள் உட்பட சர்வதேச மனிதாபிமான சட்டத்தின் பல கடுமையான மீறல்களை சமீபத்தில் கண்டறிந்துள்ளதாகவும் தெரிவிக்கப்பட்டுள்ளது.
இது முறையாக விசாரிக்கப்பட வேண்டும் என்றும் குற்றவாளிகள் பொறுப்புக்கூற வேண்டும் எனவும் வலியுறுத்தியுள்ளது.
