British Airways விமானத்தில் பயணம் செய்யவிருந்த பயணிக்கு பயணம் மேற்கொள்ள அச்சமடைந்த நிலையில் விமானியின் செயலால் அச்சம் நீங்கியுள்ளது.
ஜூலியா பக்லீ (Julia Buckley) என்பவருக்கு விமானப் பயணம் என்றால் பயம்.
டெல் (Del) எனும் விமானி அவரிடம் விமானத்தின் பாகங்களைத் தாள் ஒன்றில் வரைந்து விமானம் பறக்கும் முறையைப் பற்றி விளக்கம் அளித்தார்.
தாளின் மீது ஊதி விமானம் எப்படி வானில் தொடர்ந்து பறக்கும் என்பதையும் அவர் காட்டியுள்ளார்.
அதனால் தமக்கிருந்த பயம் பெரிய அளவில் தணிந்ததாகக் பக்லீ கூறினார்.
டெல்லின் முயற்சியைப் பாராட்டி Twitter பக்கத்தில் அவருக்கு அந்தப் பயணி நன்றி தெரிவித்தார்.
