ஓரின சேர்க்கையாளர்களுக்கு எதிரான உகாண்டா நாட்டில் கடுமையான சட்டங்களுக்கு எதிராக உலக நாடுகள் எதிர்ப்பு தெரிவித்து வருகின்றன.
மனிதன் இந்த பூமியில் பிறப்பது முதலே அவனுக்கான பாலின சேர்க்கையை அவனது உடலியல் கூறுகள் தான் தேர்வு செய்கிறது.ஆண்-பெண் இருபாலருக்கும் உள்ள உறவைப் போல ஒரே பாலினத்திலே ஈர்ப்பு உண்டாக கூடியவர்களான ஓரின சேர்க்கையாளர்களை பண்டைய கலாச்சாரம் தவறானவர்கள், இவர்கள் சமூகத்திற்கு புறம்பானவர்கள் என இழிவு படுத்தி வருகிறது.இந்த நிலையில் ஆப்பிரிக்காவின் பல நாடுகளில் ஓரின சேர்க்கையாளர்களை குற்றவாளியாக பாவிக்கும் மனோபாவம் இருந்து வருகிறது.
உகாண்டாவில் ஓரினச்சேர்க்கை உறவுகள் ஏற்கனவே சட்டவிரோதமானது, இருப்பினும் செவ்வாயன்று நாட்டின் பாராளுமன்றத்தால் நிறைவேற்றப்பட்ட ஒரு மசோதா ஓரினச்சேர்க்கையை ஊக்குவிப்பது மற்றும் ஓரினச்சேர்க்கையில் ஈடுபடுவதற்கான சதி ஆகியவற்றை தடை செய்துள்ளது.மோசமான ஓரினச்சேர்க்கை தொடர்பான சில குற்றங்கள், சிறிய வயதுடையவர்களுடன் ஓரினச்சேர்க்கையில் ஈடுபடுவது அல்லது குற்றம் சாட்டப்பட்டவருக்கு HIV போன்ற நோய் இருந்தால் மரண தண்டனை விதிக்கப்படலாம். அந்நாட்டில் ஓரினச்சேர்க்கையில் ஈடுபடுவர்களுக்கு ஆயுள் தண்டனை விதிக்கும் சட்டம் இருக்கிறது.
யுகாண்டாவின் சட்டத்தின் கீழ், ஓரினச்சேர்க்கை முயற்சி என்பது கிரிமினல் குற்றமாகும், மேலும் 10 ஆண்டுகள் வரை சிறைத்தண்டனை விதிக்கப்படும்.இந்த மசோதா வெகுஜன ஒப்புதலுடன் நிறைவேற்றப்பட்டது. சட்டமியற்றுபவர்களில் ஒரு சிறிய குழு மட்டுமே சட்டத்தை எதிர்த்துள்ளது என்பது குறிப்பிடத்தக்கது.இந்த புதிய சட்டத்தின் கீழ், சந்தேகத்திற்கிடமான ஓரினச்சேர்க்கை நடவடிக்கை குறித்து பொலிஸில் புகாரளிக்க நண்பர்கள் மற்றும் குடும்பத்தினர் கடமைப்பட்டுள்ளனர்.
தனிநபர்கள் அல்லது நிறுவனங்கள் LGBTQ2 உரிமை நிறுவனங்களுக்கு ஆதரவளிப்பது அல்லது நிதியளிப்பது சட்டவிரோதமானது.ஓரினச்சேர்க்கையை ஊக்குவிக்கும் பத்திரிகையாளர்கள் மற்றும் செய்தி நிறுவனங்கள் உட்பட எந்தவொரு LGBTQ2 உரிமை மீறலைப் பற்றி காணொளிகளை ஒளிபரப்புவது, வெளியிடுவது அல்லது பகிர்வது சிறைத்தண்டனைக்கு வழிவகுக்கும் என அந்நாட்டின் பிரதமர் தெரிவித்துள்ளார்.
