இந்தியாவின் டெல்லி சர்வதேச விமான நிலையத்தின் முதல் முனையத்தின் மேற்கூரையின் ஒரு பகுதி இடிந்து விழுந்து பெரும் விபத்து ஏற்பட்டுள்ளது.
இதில் 3 பேர் உயிரிழந்ததாகவும், 6 பேர் காயமடைந்ததாகவும் டெல்லி தீயணைப்புத் துறை அதிகாரி ஒருவர் தெரிவித்தார்.
வெள்ளிக்கிழமை காலை பெய்த பலத்த மழை மற்றும் காற்றின் காரணமாக கட்டிடத்தின் மேற்கூரையின் ஒரு பகுதி இடிந்து விழுந்தது.
இதில் பல தனியார் கார்கள் மற்றும் டாக்சிகள் சேதமடைந்தன. இந்த சம்பவத்தையடுத்து, முதல் முனையத்தில் பணிகள் நிறுத்தப்பட்டன.
தற்போது, பாதிக்கப்பட்டவர்கள் வேறு யாராவது இருக்கிறார்களா என்பதை கண்டறியும் பணியை நிவாரண குழுக்கள் தொடங்கியுள்ளன.
