அமெரிக்காவில் சிகரெட் பிடிப்பவர்களின் எண்ணிக்கை குறைந்துள்ளதாக தெரிவிக்கப்படுகின்றது.
புதிதாக மேற்கொள்ளப்பட்டுள்ள ஆய்வொன்று இந்த விடயத்தை குறிப்பிடுகிறது.
அமெரிக்காவின் தொற்றுநோய்க் கட்டுப்பாட்டு, தடுப்பு நிலையம் நடத்திய ஆய்வில் 27,000க்கும் அதிகமான அமெரிக்கர்கள் பங்கெடுத்தனர்.
நேற்று முன்தினம் வெளிவந்த ஆய்வு முடிவுகளின்படி 9இல் 1 அமெரிக்கர் மட்டுமே சென்ற ஆண்டு புகைபிடித்தார்.
சிகரெட் புகைபிடிப்பவர் எண்ணிக்கை…
– 2021ஆம் ஆண்டில் 12.6 விழுக்காடாக இருந்தது
– 2022ஆம் ஆண்டில் 11.3 விழுக்காடாக குறைந்தது
மின்-சிகரெட்டுகளைப் புகைப்பவர்களின் எண்ணிக்கையோ 4.7 விழுக்காட்டிலிருந்து 5.9 விழுக்காடு வரை அதிகரித்துள்ளது.
