நாடாளுமன்றத்தில் சமர்ப்பிக்கப்பட்ட பொருளாதார மாற்ற சட்டமூலத்திற்கு எதிராக உச்ச நீதிமன்றத்தில் வழக்குத் தாக்கல் செய்யவுள்ளதாக தேசிய மக்கள் சக்தியின் பொருளாதார சபை உறுப்பினர் சுனில் ஹந்துன்நெத்தி தெரிவித்துள்ளார்.
தேசிய மக்கள் சக்தியின் செயற்குழு உறுப்பினரும் முன்னாள் நாடாளுமன்ற உறுப்பினருமான சுனில் ஹந்துன்நெத்தி, தேசிய மக்கள் சக்தியின் பொருளாதார சபை உறுப்பினர்கள் கலந்துகொண்ட விசேட செய்தியாளர் சந்திப்பில் இதனைத் தெரிவித்தார்.
தற்போதைய அரசாங்கம் நாட்டின் பொருளாதாரம் தொடர்பில் மிகக் குறைந்த வகையில் பாரதூரமான சட்டமூலமொன்றை முன்வைத்து முதலீட்டுச் சபையை இல்லாதொழிக்க முன்வந்துள்ளதாக அவர் மேலும் குறிப்பிட்டுள்ளார்.
இந்த சட்டமூலத்திற்கு தேசிய மக்கள் கட்சி முற்றாக எதிரானது எனவும் ஹந்துன்நெத்தி மேலும் வலியுறுத்தியுள்ளார்.
அதற்கிணங்க, இதனால் பாதிக்கப்பட்ட அனைத்து பகுதிகளையும் ஒன்றிணைத்து அதற்கு எதிராக செயற்படுவதாகவும், தொழிற்சங்கங்களுடன் கலந்துரையாடி அதற்கு எதிராக சிறந்த தலையீடுகளை மேற்கொள்வதாகவும் அவர் குறிப்பிட்டுள்ளார்.
