மலையாள திரையுலகில் முன்னணி நடிகையாக இருப்பவர் மஞ்சு வாரியர். இவர் வெற்றிமாறன் இயக்கத்தில் தனுஷ் நடிப்பில் 2019ஆம் ஆண்டு வெளிவந்த அசுரன் படத்தின் மூலம் தமிழ் சினிமாவில் என்ட்ரி கொடுத்தார்.
முதல் படமே நடிகை மஞ்சு வாரியருக்கு தமிழில் சூப்பர்ஹிட்டாக அமைந்தது. இதை தொடர்ந்து முன்னணி நடிகர் அஜித்துடன் இணைந்து துணிவு படத்தில் நடித்திருந்தார். அசுரன் படத்தை தொடர்ந்து துணிவும் வெற்றியை பெற்று தந்தது.
தொடர் வெற்றியை தக்கவைத்து வரும் நடிகை மஞ்சு வாரியர் நடிப்பில் அடுத்ததாக உருவாகி வரும் திரைப்படம் தான் வேட்டையன். ஞானவேல் இயக்கத்தில் சூப்பர்ஸ்டார் ரஜினிகாந்த் ஹீரோவாக நடித்து வரும் இப்படம் அக்டோபர் 10ஆம் தேதி வெளியாகிறது.
இப்படத்திலிருந்து மனசிலாயோ எனும் பாடல் வெளிவந்தது. இதில் நடனமாடி இருந்த மஞ்சு வாரியர் பட்டையை கிளப்பி இருந்தார். இந்த நிலையில், வேட்டையன் படத்தில் மஞ்சு வாரியாரின் கதாபாத்திரம் குறித்து தகவல் வெளியாகியுள்ளது.
அதன்படி, இப்படத்தில் ரஜினியின் மனைவியாக மஞ்சு வாரியர் நடித்துள்ளாராம். மேலும் இவருடைய கதாபாத்திர பெயர் தாரா என்றும் கூறப்படுகிறது. இதுமட்டுமின்றி இப்படத்தில் Vlog செய்யும் நபராக நடித்துள்ளாராம் மஞ்சு வாரியர்.
