ஜப்பானில் உள்ள காஷிவாசாகி-கரிவா அணுமின் நிலையம் கட்டப்பட்டு சுமார் 40 ஆண்டுகளுக்குப் பிறகும் உலகின் மிகப்பெரிய அணுமின் நிலையமாக உள்ளது.
காஷிவாசாகி மற்றும் கரிவா ஆகிய இரண்டு நகரங்களை உள்ளடக்கிய அணுமின் நிலையம் கடந்த 12 ஆண்டுகளாக மூடப்பட்டுள்ளது.
ஜப்பான் கடலோரப் பகுதியில் அமைந்துள்ள காஷிவாசாகி-கரிவா, இரண்டு சிறிய ஐரோப்பிய நாடுகளை விடவும் பெரியதாகும்.
1985 இல் செயல்படத் தொடங்கிய ஜப்பானில் உள்ள எரிசக்தி மையமானது, 2007 இல் 6.6 ரிக்டர் அளவிலான நிலநடுக்கத்திற்குப் பிறகு 21 மாதங்களுக்கு முதன்முதலில் மூடப்பட்டது.
2011 இல் புகுஷிமா அணுசக்தி பேரழிவைத் தொடர்ந்து இது 2012 இல் மீண்டும் மூடப்பட்டது. அணுசக்தி பீதிக்குப் பிறகு மூட உத்தரவிடப்பட்ட ஜப்பானில் உள்ள 44 அணுமின் நிலையங்களில் இதுவும் ஒன்றாகும்.
இந்நிலையில் இந்த ஆலையை மீளவும் திறக்க நடவடிக்கை எடுக்கப்பட்டுள்ளது.
இந்த ஆண்டின் தொடக்கத்தில், ஆலையின் உரிமையாளரான டோக்கியோ எலக்ட்ரிக் பவர் கம்பெனி (TEPCO), அக்டோபர் மறுதொடக்கம் திகதியை இலக்காகக் கொண்டிருப்பதாக அறிவிக்கப்பட்டது.
TEPCO கடந்த சில ஆண்டுகளாக அரசாங்க கோரிக்கைகளுக்கு ஏற்ப அதிக பாதுகாப்பு நடவடிக்கைகள் மற்றும் நெறிமுறைகளை நிறுவி வருகின்றமை குறிப்பிடத்தக்கது.
