சிறிய ரக விமானம் மூலம் வானில் பறந்து கொண்டிருந்த போது பெண் விமானிக்கு எதிர்பாராத அனுபவம் ஏற்பட்டது.
விமானம் பறந்துகொண்டிருந்த போது அதன் மேற்பகுதி திடீரென திறந்துள்ளது. எனினும் நிலைமையை உணர்ந்துகொண்ட பெண் விமானத்தை பாதுகாப்பாக தரையிறக்கியிருந்தார்.
இதனால் விமானி பெரும் விபத்து தவிர்க்கப்பட்டது. இந்த திகிலூட்டும் அனுபவம் குறித்து பெண் விமானி எக்ஸ் தளத்தில் பதிவிட்டுள்ளார், இது சமூக ஊடகங்களில் வைரலாகி வருகிறது.
“நெதர்லாந்தைச் சேர்ந்த நரைன் மெல்கும்ஜான் என்ற பெண் விமானி சிறிய ரக விமானத்தில் புறப்பட்டார். பின்னர், வானில் பறந்துகொண்டிருந்த போது , திடீரென அதன் மேற்கூரை திறந்துள்ளது.
அன்று மிகவும் வெப்பமான நாள்.. நான் பறந்து கொண்டிருந்த ‘எக்ஸ்ட்ரா 330எல்எக்ஸ்’ விமானம் வானில் இருந்த போது திடீரென கூரை திறந்துகொண்டது.
புறப்படுவதற்கு முன் முறையான சோதனைகள் செய்திருந்தால் இந்த நிலை ஏற்பட்டிருக்காது.. உண்மையிலேயே இது ஒரு சவாலான அனுபவம். விமானத்தின் லாக்கிங் பின் விழவில்லை.. கவனிக்கத் தவறிவிட்டேன்.
நான் செய்த இன்னொரு தவறு, கோவிட் நோயிலிருந்து முழுமையாக குணமடையாமல் பயிற்சிக்கு சென்றது.. உடலை ஓய்வெடுக்க நேரம் கொடுக்காமல் இருந்தது.. கூடுதலாக, கண்களைப் பாதுகாக்க கண்ணாடி கூட அணியாதது என் நிலையை மோசமாக்கியது.
ஒருபுறம் விமானத்தின் பலத்த சத்தம்.. மறுபுறம் சரியாகப் பார்க்க முடியாமல், மூச்சு விட முடியாமல் தவிக்கும் அவலம். என் வாழ்வின் மிகவும் வேதனையான தருணங்கள் அவை..
எனது பயிற்சியாளர் வானொலியில் சொல்வதைக் கேட்பது கடினமாக இருந்தாலும், நான் சத்தமாகவும் தெளிவாகவும் கேட்டது ‘பறந்து கொண்டே இருங்கள்’ என்பது இரண்டு வருடங்களுக்கு முன்பு இந்த அனுபவத்தை அவர் பகிர்ந்து கொண்டார்.
தான் இவ்வளவு தாமதமாக வந்தாலும், தனது அனுபவம் விமானிகளுக்கு ஒரு எச்சரிக்கையாக இருக்க வேண்டும் என்று அவர் நம்புகின்றார். அவர் செய்த தவறுகளில் இருந்து பாடம் கற்றுக்கொள்வார்கள் என்று நம்புகிறேன் என்றார்.
இந்த வீடியோ தற்போது சமூக வலைதளங்களில் வைரலாகி வரும் நிலையில், நெட்டிசன்கள் அவரை பாராட்டி வருகின்றனர்.
நீ மிகவும் தைரியசாலி என்று ஒருவர் கூறினார்.. இன்னொருவர் இக்கட்டான சூழ்நிலையிலும் கவலைப்படாமல் பாதுகாப்பாக வெளியே வந்துள்ளீர்கள் என்று பாராட்டினார்.
