நாடு முழுவதும் ஏற்பட்டுள்ள சீரற்ற வானிலை காரணமாக , நாட்டின் பல பகுதிகள் வெள்ளம் மற்றும் மண்சரிவுகளை எதிர்கொண்டுள்ளன.
இந்த அனர்த்தத்தில் 10 பேர் உயிரிழந்துள்ளதுடன் 5 பேர் காணாமல் போயுள்ளதாக அரச பாதுகாப்பு அமைச்சர் பிரமித பண்டார தென்னகோன் தெரிவித்துள்ளார்.
இது தவிர, பேரிடர் சூழ்நிலைகள் குறித்து தெரிவிக்கவும், ஆதரவு சேவைகளை வழங்கவும் காவல்துறை சிறப்பு பேரிடர் நிவாரணப் பிரிவை நிறுவியுள்ளது.
இதன்படி, 011 2421820 / 011 2421111 என்ற இந்த விசேட தொலைபேசி இலக்கங்களின் ஊடாக அனர்த்த நிவாரணத்திற்காக அழைக்க முடியும் என தெரிவிக்கப்பட்டுள்ளது.
மேலும் இந்த மோசமான காலநிலை காரணமாக நாடளாவிய ரீதியில் உள்ள அனைத்து பாடசாலைகளையும் நாளை மூடுவதற்கு கல்வி அமைச்சு தீர்மானித்துள்ளது.
